प्रिया बापटच्या फिटनेस ट्रान्सफॉर्मेशनने इंटरनेटवर लावली आग, 10 वर्षांची मेहनत अन् 'ते' 20 फोटो शेअर करत सर्वच सांगितलं

मराठमोळी अभिनेत्री प्रिया बापट नेहमीच आपल्या अभिनय आणि फिटनेसमुळे चर्चेत असते. काही दिवसांपूर्वीच प्रिया बापट आणि उमेश कामत यांचं फिटनेस ट्रान्सफॉर्मेशन चर्चेत आलं होतं. त्यांच्या फोटोंनी सोशल मीडियावर धुमाकूळ घातला होता. अशातच प्रिया बापटने आता 2016 या वर्षातील 20 फोटो शेअर करत चाहत्यांचं लक्ष वेधून घेतलं आहे.

प्रिया बापटने आपल्या कॅप्शनमध्ये लिहिलं आहे,"2016 मुळे मला एक वेगळ्या पद्धतीचा टप्पा पार करता आला आहे. या वर्षात मला स्वत:चं एक वेगळं वर्जन पाहायला मिळालं. जे मी याआधी कधीच पाहिलं नव्हतं. त्या काळात मी जे काही जगले, अनुभवले त्या प्रत्येक क्षणाबद्दल मी मनापासून कृतज्ञ आहे. कारण याच सगळ्यामुळे आज 10 वर्षांनंतर मी एक उत्तम व्यक्ती म्हणून घडले आहे". ज्यामुळे तिला तिचं नवीन वर्जन पाहता आलं त्याचे फोटो तिने शेअर केले आहेत.

प्रिया बापट 1 जानेवारी 2016 पासून परुळेकर जिममध्ये वर्कआऊट करण्यासाठी जात आहे.

प्रिया बापटचा 'वजनदार' हा सिनेमा चांगलाच गाजला. या सिनेमासाठी तिने आपलं वजन वाढवलं होतं. या सिनेमाच्या 'गोलु पोलू' या गाण्याच्या रेकॉर्डिंगदरम्यानचे फोटो तिने शेअर केले आहेत.

प्रियाने 'वजनदार' या सिनेमासाठी 16 किलो वजन वाढवलं होतं आणि नंतर कमी केलं. त्याचा फोटो तिने चाहत्यांसोबत शेअर केला आहे.

आई आणि तिच्या गुलाबांसोबत घालवलेला सुंदर दिवस म्हणत तिने आईसोबतचा फोटो शेअर केलाय.

@officialsaishashinde यांचा outfit प्रिया बापटने पहिल्यांदा घातला होता.

@abhaymaha अभय, आपली पहिली भेट होऊन 10 वर्षं झाली आहेत यावर विश्वास बसत नाही. सहकलाकारांपासून ते तू मला तुझी saviour म्हणण्यापर्यंत, आणि आजपर्यंत टिकलेली आपली मैत्री!

उमेश कामतने 2016 दरम्यान ट्रान्सफॉर्मेशन केलं होतं. त्याचा फोटो शेअर करत तिने प्रेरणा मिळाली असल्याचं सांगितलं आहे.

पहिली सिंगापूर ट्रिप... आई-बाबांचा पहिला आंतरराष्ट्रीय प्रवास.

@kalyanipathare या वर्षी आपल्या मैत्रीला खऱ्या अर्थाने सुरुवात झाली आणि आज ती आयुष्यभरासाठी आहे.

@milindrunning सोबत Pinkathon साठी ट्रेनिंग सेशन

@pinkathonindia मध्ये माझं पहिलं 10km धावणं.

माझी पहिली सोलो ट्रिप पाँडिचेरी. या प्रवासात मला स्वत: नव्याने भेटता आलं.