कुणीतरी येणार येणार गं! प्रसिद्ध अभिनेता वयाच्या 49 व्या वर्षी होणार बाबा, खास फोटो शेअर करत दिली गुड न्यूज

बॉलिवूड अभिनेता रणदीप हुड्डा आज पत्नी लॅशरामसोबत लग्नाचा दुसरा वाढदिवस साजरा करत आहे. दरम्यान लग्नाच्या दुसऱ्या वाढदिवशी एक खास फोटो शेअर करत त्याने चाहत्यांना गुड न्यूज दिली आहे.

रणदीप हुड्डची पत्नी लॅशराम प्रेग्नंट आहे. लग्नाच्या दुसऱ्या वाढदिवशी या जोडप्याने चाहत्यांसोबत ही आनंदाची बातमी शेअर केली आहे. रणदीप लवकरच बाबा होणार असल्याने चाहत्यांचा आनंद गगनात मावेनासा झाला आहे.

रणदीप हुड्डा आणि लॅशराम 29 नोव्हेंबर 2023 रोजी मणिपूरमधील इम्फाल याठिकाणी लग्नबंधनात अडकले होते. अतिशय पारंपारिक पद्धतीत त्यांचा लग्नसोहळा पार पडला होता.

रणदीप हुड्डाने आज लग्नाच्या दुसऱ्या वाढदिवशी पत्नीसोबतचा जंगलमधील फोटो शेअर करत कॅप्शनमध्ये लिहिलं आहे,"प्रेम, रोमांचची दोन वर्षे आणि आता येतोय एक छोटा पाहुणा".

रणदीप हुड्डाची पोस्ट सध्या सोशल मीडियावर व्हायरल होत आहे. सेलिब्रिटी आणि चाहते अभिनेत्यावर शुभेच्छांचा वर्षाव करत आहेत. लग्नासाठी शुभेच्छा आणि गुडन्यूजसाठी अभिनंदन, अशा पद्धतीच्या पोस्ट चाहते आणि सेलिब्रिटी करत आहेत.

रणदीप हुड्डाची पत्नी लॅशराम एक अभिनेत्री आहे. 'जाने जान','मॅरी कॉम','एक्सोन' यांसारख्या चित्रपटांत लॅशरामच्या अभिनयाची झलक पाहायला मिळाली आहे. तसेच 2007 मध्ये आलेल्या 'ओम शांति ओम' या चित्रपटातही तिने काम केलं आहे.

रणदीप हुड्डा शेवटचा सनी देओलच्या 'जाट' या चित्रपटात झळकला होता. या चित्रपटात तो नरारात्मक भूमिकेत होता. आता 'मॅचबॉक्स'च्या माध्यमातून तो प्रेक्षकांच्या भेटीला येणार आहे. 2026 मध्ये हा चित्रपट प्रदर्शित होईल.