'त्याच्याशी भांडण...', सावत्र आईसोबत कसं आहे शाहिद कपूरचं नातं? अभिनेत्रीने पहिल्यांदाच खरं सांगितलं

मुंबई: बॉलिवूड सेलिब्रिटींच्या खासगी आयुष्यात काय चाललंय, हे जाणून घ्यायला चाहत्यांना नेहमीच आवडतं. शाहिद कपूर त्यापैकीच एक आहे, ज्याच्या आयुष्यात काय सुरू आहे, याची उत्सुकता लोकांना असते. आता नुकतंच शाहिदची सावत्र आई सुप्रिया पाठक यांनी त्याच्यासोबतच्या त्यांच्या नात्याबद्दल मनमोकळेपणाने सांगितलं आहे.

शाहिद कपूर हा नीलिमा अजीम आणि पंकज कपूर यांचा मुलगा. पंकज कपूर यांनी १९७९ मध्ये नीलिमा अजीम यांच्याशी लग्न केलं, पण ५ वर्षांतच त्यांचा संसार मोडला. त्यानंतर पंकज कपूर यांच्या आयुष्यात सुप्रिया पाठक आल्या. १९८८ मध्ये त्यांनी सुप्रिया पाठक यांच्याशी लग्न केलं, त्यांना रुहान आणि सना ही दोन मुलं आहेत.

शाहिदचं त्याच्या सावत्र भावंडांसोबत आणि सावत्र आईसोबतही खूप छान नातं आहे. नुकतंच सुप्रिया पाठक यांनी स्वतः याबद्दल खुलासा केला आहे. बीबीसीला दिलेल्या एका मुलाखतीत सुप्रिया पाठक म्हणाल्या, "तो माझा मुलगा आहे. मुलासोबत आईचं जसं सामान्य नातं असतं, तसंच माझं आणि शाहिदचंही नातं आहे. तो खरंच माझा मुलगा आहे."

त्या पुढे खूप आपुलकीने म्हणाल्या, "रुहान, शाहिद, सना, हे सगळे माझेच मुलं आहेत. मी त्यांच्याशी भांडू शकते, त्यांना खूप प्रेम देऊ शकते, त्यांच्यासोबत हसू शकते, मी त्या तिघांचीही मैत्रीण आहे."

सुप्रिया पाठक आणि शाहिद कपूर अनेकदा एकत्र दिसतात आणि त्यांच्यात किती छान बॉन्डिंग आहे, हे त्यावेळी दिसून येतं. फक्त शाहिदच नाही, तर सुप्रिया पाठकचं शाहिदची पत्नी मीरा राजपूत सोबतही खूप चांगलं पटतं. शाहिदही नेहमीच त्याच्या भावंडांसोबत वेळ घालवताना दिसतो.

याआधीही सुप्रिया पाठक यांनी ट्विंकल खन्नासोबतच्या एका गप्पांमध्ये शाहिदसोबतच्या त्यांच्या पहिल्या भेटीबद्दल सांगितलं होतं. त्या म्हणाल्या होत्या, "जेव्हा आम्ही भेटलो, तेव्हा आम्ही एकमेकांना लगेच आवडू लागलो, आणि मला वाटतं तेच नातं पुढे चालू राहिलं. अनेकदा तो आमच्यासोबत नसायचा, पण जेव्हाही तो यायचा, आम्ही एकमेकांशी अगदी नॉर्मल वागायचो."