'विठु माऊली' फेम कलाकारांनी बांधली लग्नगाठ; रिलनंतर आता रिअल लाइफमध्येही पती-पत्नी

विठु माऊली या मालिकेतील पती-पत्नीची भूमिका साकारणारे मराठी सेलिब्रिटी आता खऱ्या आयुष्यातही एकमेकांचे जोडीदार बनले आहेत. दोघांनी लग्नगाठ बांधली आहे.

अभिनेत्री साक्षी महाजन आणि अभिनेता अथर्व कर्वे यांचा विवाहसोहळा पार पडला आहे. दोघांच्याही लग्नाचे फोटो, व्हिडीओ समोर आले आहेत.

अथर्व कर्वे विठु माऊलीत पुंडलिकची भूमिका साकारत आहे, तर साक्षी महाजन त्याची पत्नी कुसुमच्या भूमिकेत आहेत.

अथर्वने 'बालगंधर्व', 'हरिश्चंद्राची फॅक्टरी' अशा गाजलेल्या मराठी सिनेमांमध्ये काम केलं आहे. याशिवाय 'डॉ. बाबासाहेब आंबेडकर' मालिकेत अथर्वने केलेली भूमिका चांगलीच गाजली.

तर साक्षी महाजन 'कोण होतीस तू काय झालीस तू' या मालिकेत झळकली. याआधी तिने 'उदे गं अंबे' या मालिकेत काम केलं. यामध्ये तिने राणी नीलकांतीची भूमिका साकारली होती.