Winter Tea Recipe : चहा बनवण्याची योग्य पद्धत कोणती? आल्याचा चहा बनवताना आधी दुध की आलं?

भारतात अनेकांच्या सकाळची सुरुवात चहाशिवाय होतच नाही. ऑफिस, घर, प्रवास, पावसाळा, थंडी… काहीही किंवा लोक कुठेही असो, एक कप गरमागरम चहा मन प्रसन्न करतो. पण या साध्या दिसणाऱ्या चहामागे एक मोठा प्रश्न कायम चर्चेत असतो. चांगला चहा बनवायचा कसा? तसं तर चहा सगळेच बनवतात. पण प्रत्येक वेळी चहा चांगला होतोच असा नाही. अशावेळी अनेकांना असं वाटतं की कोणती गोष्ट कशी करायची हे जर माहित असेल तर रोजच चहा चांगला बनेल. चला तर मग पावसाळा आणि थंडीसाठीचा स्पेशल आल्याचा चहा बनवताना कसा बनवायचा आणि आधी दुध घालायचं की आलं. याची योग्य पद्धत जाणून घेतली तर चहाची चव, सुगंध आणि आरोग्याचे फायदे तिन्ही वाढतात.

आल्याचा चहा इतका खास का?आलं हे भारतीय स्वयंपाकघरातील सुपरफूड. आहे, ते पचन सुधारतं, सर्दी-खोकल्यावर आराम देते, शरीराची प्रतिकारशक्ती वाढवते आणि शरीर गरम ठेवते. म्हणून आल्याचा चहा हिवाळ्यात आणि बदलत्या हवामानात तर खास लोकप्रिय असतो.

आल्याचा चहा बनवताना ‘पहिल्यांदा काय?’ दुध की आलं?चहा करताना आलं नेहमी ‘पाण्यात’ उकळायला हवं. थेट दुधात आलं टाकलं तर दुध फाटण्याची शक्यता वाढते आणि चवीतही कडूपणा येतो. आलं पाण्यात उकळल्यामुळे त्यातील नैसर्गिक औषधी गुणधर्म आणि सुगंध पूर्णपणे बाहेर येतात.

आल्याचा चहा बनवण्याची योग्य पद्धत (स्टेप-बाय-स्टेप)1) सर्वात आधी पाणी उकळाएका भांड्यात 1 कप पाणी उकळायला ठेवा.

2) उकळत्या पाण्यात ठेचूल आलं घाला½ ते 1 इंच आलं हलकं ठेचून घाला. हे सर्वात महत्त्वाचं पाऊल आहे. पण लक्षात ठेवा किसून आलं टाकू नका यामुळे कडवटपणा येतो. उकळताना पाण्यात आलं मिसळते आणि त्याचा अर्क छान निघतो.

3) चहा पत्ती/टी पावडर घालापाणी आणि आलं उकळल्यानंतर चहा पत्ती घाला. 1-2 मिनिटे उकळू द्या.

4) आता दुध घालण्याची वेळदुध हळूहळू घाला. दुध घालून साधं 2-3 मिनिटं उकळू द्या.

5) साखर किंवा गूळ घालागुळ घातल्यास चहाला अजून नैसर्गिक गोडवा आणि हलकी स्मोकी चव येते.

६) चहा गाळून गरमागरम सर्व्ह करा. सुगंध आणि रंग एकदम परफेक्ट येतो.

आल्याचा चहा बनवताना घ्यावयाची काळजी-पाण्यात आलं उकळलं तरच चहाची चव उत्तम येते.-दुध आधी घातलं तर दुध फाटतं आणि चहा बेस्वाद होतो.-आलं जास्त प्रमाणात घालू नका, आलं किसू नका चहा कडू होतो.-खूप जास्तवेळ उकळू नका

गुळ वापरत असल्यास तो शेवटी घाला.असा बनवा ‘परफेक्ट आल्याचा चहा’ तज्ज्ञांची शिफारस