Cooking Tips : बदला कणिक मळण्याची पद्धत, ब्रेड पेक्षाही सॉफ्ट बनेल चपाती

मऊ चपाती बनवायची असेल तर त्याआधी त्यासाठी लागणारे कणिक नीट मळणे गरजेचे आहे. तेव्हा चपातीचे कणिक भिजवताना त्यात 1 ते 2 कप कोमट पाणी टाकावे. तसेच हवे असल्यास तुम्ही यात कोमट तेल देखील घालू शकता.

कणिक नीट मळून झाल की एक सुटी कपडा ओला करून तो नीट पिळून घ्यावा आणि मळलेल्या कणकेच्या गोळ्यावर पसरून ठेवावा. अशा प्रकारे पीठ जवळपास 10 ते 15 मिनिटे झाकून ठेवाव्यात आणि मग चपात्या बनवाव्यात.

तसेच चपात्या मऊ बनवण्यासाठी तुम्ही यात दही सुद्धा टाकू शकता. परंतु कणिक मळताना यात दहीचा वापर करताना ते दही जास्त आंबट आणि थंड नसावे.

चपात्या मऊ बनवण्यासाठी तुम्ही यात तुपाचा देखील वापर करू शकता. कणिक मळताना त्यात एक चमचा तूप आणि पाणी मिसळावे. असे करून तुम्ही लगेच चपात्या बनवाल तर तुमच्या चपात्या या मऊ होतील.

दोन ते तीन वाटी गव्हाच्या पिठात चिमूटभर बेकिंग सोडा मिक्स करा मग 1 ते 2 कप दूध आणि पाणी घेऊन कणिक मळून घ्या. 10 ते 15 मिनिटे कणकेचा गोळा झाकून मग त्याच्या चपात्या बनवल्यास त्या मऊ होतात. अश्याच <a href="https://news18marathi.com/lifestyle/">टिप्स वाचण्यासाठी क्लिक करा</a>.