Kitchen Hacks : घरातली भाजी चिरण्याची सूरी-कात्री बोथट झालीय? 'या' ट्रिक्स वापरा, काही मिनिटांत होईल धारदार..

कात्री आणि सुरीची धार वाढवण्यासाठी तुम्हाला ती पैसे देऊन बाहेरून करून घेण्याची गरज नाही. घरातीलच काही सोप्या युक्त्या वापरून तुम्ही त्यांची धार वाढवू शकता. चला पाहूया सुरती किंवा कात्रीची धार कधी वाढवायची.

हल्ली अनेक घरांमध्ये सिरेमिक भांडी वापरली जातात. त्यांपैकी कप किंवा प्लेट घ्या. कारण त्यांचा तळ खडबडीत असतो. हा भाग तुमची सूरी किंवा कात्रीसाठी शार्पनर म्हणून काम करतो. सिरॅमिकची प्लेट उलटी करा आणि त्याच्या खडबडीत भागावर सूरी हळूहळू घासा. घासताना त्यावर हलका दाब द्या. दोन्ही बाजूंना याचपद्धतीने घासून घ्या. 10-15 वेळा घासल्यानतंर सुरूल धार येईल.

हा उपाय अगदी सोपा आणि स्वस्त आहे. यासाठी तुम्ही अॅल्युमिनियम फॉइलचा वापर करू शकता. अॅल्युमिनियम फॉइलचे तुकडे करा आणि त्याचे 5-6 थर बनवा. त्यानंतर कात्रीने ते 8-10 वेळा कापा. फॉइलचा जाड थर ब्लेडच्या काठाला तीक्ष्ण बनवण्यास मदत करतो.

सॅण्डपेपरचा वापर बऱ्याच लोकांना माहित असेल. जमिनीवर सॅंडपेपर ठेवा नंतर त्यावर सूरी एकाच दिशेने पुढे घासा. यामध्ये सूरी मागे घासणं टाळा. यामुळे ब्लेडची धार टिकून राहते आणि त्याची झीजही होता नाही.

हा उपाय करण्यासाठी तुम्हाला धारदार दगड लागेल. एक धारदार दगड घ्या आणि तो हलका ओला करा. सूरी थोडीशी तिरपी धरून ती एकाच दिशेने दगडावर घासा. सुरीच्या दोन्ही बाजूंना याच पद्धतीने धार लावून घ्या. (Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.)