केस गळती थांबवण्यासाठी काय करावे? 'या' साध्या-सोप्य घरगुती उपायांनी मिळवा दाट आणि काळेभोर केस

केस गळणे ही केवळ सौंदर्याची समस्या नसून ती शरीरातील पोषक तत्वांच्या कमतरतेचे लक्षणही असू शकते. आजकाल 10 पैकी 9 महिला केस गळतीच्या समस्यांनी ग्रस्त आहेत. दिवसाला 50 ते 100 केस गळणे सामान्य मानले जाते, परंतु त्यापेक्षा जास्त केस गळत असतील तर वेळीच काळजी घेणे गरजेचे आहे. अनेकदा महिला यासाठी काहीना काही उपाय करतात पण त्याने अनेकदा फायदा न झाल्याचं दिसलं. पण अशात आम्ही काही अशा सोप्या युक्त्या सांगणार आहोत, ज्यामुळे तुमचा प्रॉब्लम लगेच सुटेल

1. सकस आणि पोषक आहारकेसांचे आरोग्य तुमच्या आहारावर अवलंबून असते. केसांना प्रथिनांची गरज असते. अंडी, डाळी, मोड आलेली कडधान्ये, सुका मेवा (बदाम, अक्रोड) आणि पालेभाज्यांचा आहारात समावेश करा. शरीरात लोहाची कमतरता असल्यास केस गळतात. त्यासाठी खजूर, बीट आणि पालक खा.

2. तेलाने मालिश (Oiling and Massage)आठवड्यातून किमान दोनदा कोमट तेलाने केसांच्या मुळांशी मालिश करा. यामुळे टाळूचा रक्तप्रवाह सुधारतो. हे केसांसाठी सर्वोत्तम मानले जाते. बदाम किंवा एरंडेल तेल (Castor Oil) केसांच्या वाढीसाठी आणि मजबूतीसाठी हे तेल गुणकारी आहे.

3. प्रभावी घरगुती उपायकांद्याचा रस: कांद्यामध्ये गंधक (Sulphur) असते, जे केसांची मुळे घट्ट करते. कांद्याचा रस काढून तो मुळांना लावा आणि ३० मिनिटांनी केस धुवा. कोरफड (Aloe Vera): कोरफडीचा गर केसांना लावल्याने टाळूची खाज कमी होते आणि केसांना नैसर्गिक चमक येते.मेथीचे दाणे: मेथीचे दाणे रात्रभर पाण्यात भिजवून त्याची पेस्ट केसांना लावल्याने केस गळती लक्षणीयरीत्या कमी होते.

4. केसांची योग्य स्वच्छता आणि निगाकेमिकल्स टाळा: सल्फेट आणि पॅराबेन्स नसलेले नैसर्गिक किंवा सौम्य शॅम्पू वापरा.ओले केस विंचरू नका: ओले असताना केसांची मुळे कमकुवत असतात, त्यामुळे ते लगेच विंचरणे टाळावे.गरम पाण्याचा वापर टाळा: केस धुण्यासाठी कडक गरम पाणी वापरू नका, यामुळे केस कोरडे होऊन गळू लागतात. कोमट किंवा थंड पाण्याचा वापर करा.

5. ताणतणाव कमी कराअति विचार आणि मानसिक ताण हे केस गळतीचे एक मुख्य कारण आहे. दररोज योगासने, प्राणायाम आणि किमान 7-8 तासांची शांत झोप घेतल्याने केस गळती नियंत्रणात येते.

तज्ज्ञांचा सल्ला कधी घ्यावा?जर अचानक खूप मोठ्या प्रमाणावर केस गळत असतील किंवा डोक्यावर ठिकठिकाणी चट्टे पडत असतील, तर घरगुती उपायांसोबतच त्वचारोग तज्ज्ञांचा (Dermatologist) सल्ला घेणे आवश्यक आहे. केस गळती थांबवण्यासाठी संयम ठेवणे गरजेचे आहे. कोणतेही उपाय किंवा बदललेले डाएट त्याचे निकाल दाखवण्यासाठी किमान 3 ते 4 आठवड्यांचा वेळ घेतात. योग्य आहार आणि नैसर्गिक उपचारांनी तुम्ही तुमचे केस पुन्हा निरोगी बनवू शकता.

(नोट : वरील माहिती सामान्य माहितीवर आधारीत आहे. न्यूज 18 मराठी याची पुष्टी करत नाही, आमचा उद्देश तुमच्यापर्यंत माहिती पोहोचवण्याचा आहे.)