Morning Routine : चहा की कॉफी, काय पिणं जास्त फायदेशीर? जाणून घ्या जगातील सर्वात कठीण प्रश्नाचं उत्तर

चहा आणि कॉफी जगभरात सर्वाधिक आवडते. ही दोन्ही पेये जगाच्या कानाकोपऱ्यात मोठ्या प्रमाणात वापरली जातात. भारतातही करोडो लोक त्यांच्या दिवसाची सुरुवात चहा किंवा कॉफीने करतात. या दोन्ही पेयांमध्ये कॅफिनसह अनेक घटक आढळतात, जे आपल्या आरोग्यासाठी फायदेशीर आहेत. अनेक संशोधनांमध्ये या दोन पेयांचे फायदेही समोर आले आहेत.

चहा हे आरोग्यासाठी अधिक फायदेशीर आहे, असे चहाप्रेमी मानतात. तर कॉफीप्रेमी त्यांचे आवडते पेय आरोग्यासाठी फायदेशीर मानतात. याबद्दल अनेकदा वाद होतात आणि लोक त्यांचे आवडते पेय चांगले मानतात. जर तुम्हीही या प्रश्नाबाबत संभ्रमात असाल तर तुम्हाला जगातील सर्वात कठीण प्रश्नाचे उत्तर माहित असणे आवश्यक आहे.

वॉशिंग्टन पोस्टच्या रिपोर्टनुसार, कॉफीमध्ये फायबरचे प्रमाण चांगले असते. एका अभ्यासात असे दिसून आले आहे की, कॉफीमध्ये प्रति कप 1.1 ते 1.8 ग्रॅम फायबर असते. तुम्हाला हे जाणून आश्चर्य वाटेल की, कॉफीमध्ये संत्र्याच्या रसापेक्षा जास्त फायबर असते. दुसरीकडे, चहामध्ये सामान्यतः फायबर नसते. अशा परिस्थितीत फायबरचा स्रोत म्हणून कॉफी अधिक चांगली मानली जाऊ शकते.

कॉफी आणि चहा या दोन्हीमध्ये कॅफिन असते. एक कप कॉफीमध्ये सुमारे 100 मिलीग्राम कॅफिन असते. तर एका कप चहामध्ये सुमारे 50 मिलीग्राम कॅफिन असते. कॅफिन तुमची ऊर्जा आणि लक्ष केंद्रित करण्याची क्षमता वाढवू शकते. कॅफीनचे कमी प्रमाणात सेवन केल्यास अनेक मानसिक समस्यांपासून बचाव होतो. कॅफीनचे जास्त सेवन करणे देखील हानिकारक आहे. या प्रकरणात चहा अधिक चांगला आहे.

एका अभ्यासानुसार, कॉफी आणि चहा दोन्ही हृदयाच्या आरोग्यासाठी चांगले मानले जातात. याचे सेवन केल्याने हृदयविकार आणि पक्षाघाताचा धोका कमी होतो. असे मानले जाते की, कॉफी आणि चहामधील अँटीऑक्सिडंट्स आणि पॉलिफेनॉल हृदयाचे आरोग्य सुधारतात. हृदयाच्या आरोग्याच्या दृष्टिकोनातून पाहिल्यास चहा आणि कॉफी दोन्ही फायदेशीर मानले जाऊ शकते.

कॉफी फायबर, मायक्रोबायोम आरोग्यासाठी चांगली मानली जाते आणि मधुमेह आणि कर्करोगाचा धोका कमी करू शकते. तर चहा रक्तदाब, कोलेस्ट्रॉल आणि मानसिक आरोग्यासाठी चांगला आहे. हृदयाच्या आरोग्यासाठी आणि दीर्घायुष्याच्या दृष्टीने दोन्ही फायदेशीर आहेत. एकूणच कॉफी आरोग्यासाठी अधिक फायदेशीर मानली जाते. परंतु चहाबद्दल अधिक संशोधन आवश्यक आहे.