Romantic Places to Visit in India : हनीमूनसाठी भारतात कुठं जावं? हे 6 रोमँटिक डेस्टिनेशन्स सगळ्यात बेस्ट

भारत हा प्रेम आणि रोमँटिक क्षणांचा देश मानला जातो. इथे प्रत्येक राज्यात, प्रत्येक शहरात प्रेमी जोडप्यांसाठी खास ठिकाणं असतातच. काही ठिकाणं निसर्गरम्य नजारे देतात, काही ठिकाणं ऐतिहासिक वास्तूंच्या प्रेमकथांनी भरलेले आहेत, तर काही ठिकाणं शांतता आणि एकांताचा अनुभव देतात.

लग्नाआधी असो किंवा लग्नानंतर किंवा मग मित्र-परिवारासोबत लोकांना फिरायला खूप आवडतं. त्यामुळे आम्ही तुम्हाला भारतातील अशीच काही इंट्रस्टिंग ठिकाणं सांगणार आहोत. चला तर पाहूया भारतातील सर्वात रोमँटिक डेस्टिनेशन्स आणि त्यांची खासियत.

शिमला – डोंगररांगा आणि बर्फाचं सौंदर्यहिमाचल प्रदेशातील शिमला हे प्रेमी युगुलांसाठी नेहमीच आकर्षणाचं ठिकाण आहे. हिवाळ्यात बर्फाचं आच्छादन, हिरव्या डोंगररांगा, मॉल रोडवरील फेरफटका आणि टॉय ट्रेनची सफर हे सगळं शिमलाला रोमँटिक बनवतं. जोडपी येथे निसर्गाचा आनंद घेत स्कीईंग, आइस स्केटिंग आणि स्नोफॉलचा आनंद लुटू शकतात.

मनाली – साहस आणि प्रेमाचा संगममनाली हे साहसप्रेमी आणि निसर्गप्रेमी जोडप्यांसाठी स्वर्ग आहे. बर्फाच्छादित पर्वत, सोलंग व्हॅलीतील पॅराग्लायडिंग, रोहतांग पासमधील स्नो स्कीईंग आणि नदीतील राफ्टिंग हे अनुभव रोमांचक आणि रोमँटिक दोन्ही आहेत.

अलेप्पी (केरळ) – हाऊसबोट सफर आणि बॅकवॉटर्सकेरळची बॅकवॉटर्स सफर आणि हाऊसबोटवरची रोमँटिक नाईट स्टे हा एक वेगळाच अनुभव आहे. हिरवाईने नटलेले मार्ग, शांत पाण्याचं सौंदर्य आणि पारंपरिक केरळ खाद्यपदार्थ हे सगळं प्रेमाला नवा अर्थ देतं.

गोवा – बीचेस आणि नाईटलाइफचा जल्लोषगोवा हे प्रेमी युगुलांसाठी नेहमीच हॉटस्पॉट आहे. सुंदर समुद्रकिनारे, सनसेट क्रूज, वॉटर स्पोर्ट्स, बीच पार्ट्या आणि कॅफेमधील कँडल लाइट डिनर हे सगळं गोव्याला खास बनवतं. अरबी समुद्राच्या लाटांसोबत हातात हात घालून फिरण्याचा अनुभव अविस्मरणीय असतो.

उटी – निसर्गाची हिरवाई आणि चहा बागातामिळनाडूमधील उटी हे 'क्वीन ऑफ हिल स्टेशन' म्हणून प्रसिद्ध आहे. इथली चहा बागा, शांत तलाव, निलगिरी पर्वत आणि बोटिंगचे अनुभव जोडप्यांना जवळ आणतात. लव्हर्स पॉइंट, रोज गार्डन आणि उटी लेक हे रोमँटिक क्षणांसाठी उत्तम ठिकाणं आहेत.

उदयपूर – तलावांचं शहर आणि राजेशाही प्रेमकथाराजस्थानातील उदयपूरला 'लेक सिटी' म्हणतात. येथील सिटी पॅलेस, पिछोला लेक, फतेहसागर लेक आणि रोमँटिक बोट राईड्स ही ठिकाणं स्वप्नवत अनुभव देतात. पॅलेस हॉटेलमध्ये राहून राजेशाही डिनरचा आनंद घेणं हे प्रत्येक जोडप्याचं स्वप्न असतं.