Indoor Plant Care : घरातील रोपांची अशी घ्या काळजी; सुकणार नाहीत, घरातील वातावरण ठेवतील फ्रेश..

घरात लावली जाणारी काही रोपं अशी आहेत, ज्यांची जास्त काळजी घ्यावी लागते. पीस लिलीसारख्या वनस्पतींना कमी प्रकाश लागतो आणि मनी प्लांटला जास्त प्रकाश लागतो.

रोपांसाठी उष्णतेप्रमाणेच जास्त थंडी देखील चांगली नसते. यामुळे रोपं कुजू लागतात. स्पायडर प्लांट, स्नेक प्लांट, पीस लिली, अरेका पाम, ऑर्किड, अँथुरियम, गुझमानिया सारखी रोपं तुमच्या घराचा आतील भाग सुंदर आणि सुगंधित करतात. परंतु या रोपांना विशेष काळजीची आवश्यकता असते.

पाण्याची योग्य पद्धत : जास्त पाणी दिल्यास रोपाची मुळे कुजू शकतात. कुंडी किंवा बागेतील मातीचा वरचा थर सुकू लागल्यावरच पाणी द्यावे. हिवाळ्यात कमी आणि उन्हाळ्यात जास्त पाणी द्यावे.

सूर्यप्रकाश आणि प्रकाशाची काळजी घ्या : काही घरातील वनस्पतींना जास्त प्रकाशाची आवश्यकता असते (मनी प्लांट, सुपारी), तर काहींना कमी (पीस लिली, स्नेक प्लांट). मात्र झाडांना थेट सूर्यप्रकाशात ठेवणे टाळा. कारण यामुळे पाने जळू शकतात.

खताची काळजी घ्या : महिन्यातून एकदा सेंद्रिय खत घाला. खत म्हणून वापरता येणाऱ्या काही घरगुती वस्तू. जसे की, केळीची साल, चहा पत्ती आणि अंड्याचे कवच नैसर्गिक खते म्हणून काम करतात.

रोपांमध्ये ओलावा टिकवून ठेवा : घरातील वनस्पतींना हलका ओलावा आवडतो. म्हणून वेळोवेळी स्प्रेमधून पाणी शिंपडा. झाडांना एअर कंडिशनर आणि हीटरपासून दूर ठेवा. जेणेकरून ओलावा टिकून राहील.

पाने स्वच्छ करा आणि नियमितपणे कापा : कधीकधी घराच्या आत वाढलेल्या रोपांच्या पानांवर धूळ जमा होते. अशा परिस्थितीत, ते काढून टाकण्यासाठी ओल्या कापडाचा वापर करा आणि ती स्वच्छ करा. यामुळे झाडांना चांगला श्वास घेण्यास मदत होईल. वेळोवेळी वाळलेली पाने कापून टाका. यामुळे नवीन पाने लवकर बाहेर येण्यास मदत होईल.