रात्री झोपण्यापूर्वी गरम की थंड, कोणतं पाणी पिणं आरोग्यासाठी चांगलं? 'या' गोष्टी नक्की लक्षात ठेवा

पाणी पिणं आरोग्यासाठी चांगलं आहे. असंख्य आजार हे फक्त पाणी प्यायल्याने कमी होऊ शकतात. म्हणून डॉक्टर सतत पाणी पिण्याचा सल्ला देतात. पण पाणी पिण्याची पिण्याची योग्य वेळ आणि तापमान देखील तितकेच महत्त्वाचं आहे.

विशेषतः रात्री झोपण्यापूर्वी पाणी कसं प्यावे? हा प्रश्न अनेकांच्या मनात असतो. काही लोक म्हणतात गरम पाणी पिणं चांगलं आहे, तर काही म्हणतात की थंड पाणी पणं चांगलं आहे. पण खरंच गरम पाणी जास्त फायदेशीर आहे का?

पचनासाठी गरम पाणी उत्तमविविध वैज्ञानिक अभ्यासांनुसार, गरम पाणी पिणं शरीरासाठी अधिक फायदेशीर मानलं जातं. रात्री झोपण्याआधी गरम पाणी प्यायल्यास शरीरातील पचनक्रिया सुरळीत होते. यामुळे पोटाची स्नायू शिथिल होतात, जेवण वेगाने पचतं, शरीरातील विषारी घटक (टॉक्सिन्स) बाहेर फेकले जातात, त्वचा स्वच्छ राहते, रक्ताभिसरण सुधारते आणि कब्जीतून आराम मिळतो.

गरम पाणी शरीरात उष्णता निर्माण करतं, ज्यामुळे मेटाबॉलिझम वाढतो आणि त्यामुळे चरबीही कमी होण्यास मदत होते.

थंड पाणी का टाळावं?NCBI च्या अहवालानुसार, रात्री पचणाऱ्या एंझाइम्सची क्रिया मंदावते. पोटाच्या स्नायूंमध्ये आकुंचन निर्माण करतं, त्यामुळे पोटात मळमळ, गॅस होण्याची शक्यता वाढते. थंड पाणी शरीराचं तापमान कमी करतं आणि त्यामुळे झोपेवरही परिणाम होतो

गरम पाणी कसं प्यावं?झोपण्याच्या अर्धा तास आधी एक ग्लास हलकं गरम पाणी प्यावं. त्यात थोडंसं लिंबू टाकल्यास व्हिटॅमिन C मिळतो आणि पचन सुधारतं. आवडत असल्यास थोडं आलं घालून पिणं हेही फायदेशीर ठरतं.

शेवटी काय लक्षात ठेवायचं?रात्री झोपण्यापूर्वी गरम पाणी पिणं ही एक सोपी आणि नैसर्गिक सवय आहे, जी तुमच्या पचनसंस्थेला बळकट करते, झोप सुधारते आणि शरीर हलकं ठेवते. त्यामुळे, रोजच्या दिनचर्येत झोपण्याआधी गरम पाण्याचा एक ग्लास पिणं ही सवय चांगली.

(नोट : वरील माहिती ही सामान्य माहितीवर आधारीत आहे. न्यूज 18 मराठी याची पुष्टी करत नाही. आमचा उद्देश तुमच्यापर्यंत माहिती पोहोचवण्याचा आहे.)