Vidarbha Weather Update: विदर्भात थंडीचा जोर कमी, उकाडा जाणवण्याची शक्यता, पाहा आजचं ताज हवामान

राज्यात सद्यस्थितीमध्ये थंडीचा जोर कमी झाला असून अवकाळी संकटाची चाहूल लागली आहे. मराठवाडा, उत्तर महाराष्ट्रासह विदर्भातही अवकाळी पावसाची शक्यता हवामान विभागानं वर्तवली आहे. डिसेंबर महिन्याच्या शेवटच्या आठवड्यात विदर्भातील तुरळक जिल्ह्यांत हलक्या पावसाची शक्यता असल्याचं हवामान विभागाकडून सांगण्यात आले होते. त्यानुसार आता विदर्भातील तुरळक जिल्ह्यांत 27 डिसेंबर असून हलक्या पावसाची शक्यता हवामान विभागानं वर्तवली आहे.

25 डिसेंबर रोज बुधवार विदर्भातील हवामान कोरडे असणार आहे. किमान तापमानात वाढ झाल्याने काही जिल्ह्यांत उकाडा देखील जाणवण्याची शक्यता आहे. 25 डिसेंबरला नागपूर, वर्धा, यवतमाळ या जिल्ह्यातील किमान तापमान 16 अंश सेल्सिअस इतके असणार आहे. गोंदिया, चंद्रपूर, वाशिम या तीन जिल्ह्यातील किमान तापमान 17 अंश सेल्सिअस इतके असण्याची शक्यता आहे.

काही दिवस आधी या जिल्ह्यातील किमान तापमान 10 अंशावर आले होते. आता त्यात वाढ झालेली दिसून येत आहे. त्याचबरोबर अमरावती, अकोला, बुलढाणा, जिल्ह्यातील किमान तापमान 19 अंश सेल्सिअस इतके असण्याची शक्यता आहे.

विदर्भातील सर्वच जिल्ह्यातील किमान तापमानात वाढ झाल्याने थंडीचा जोर कमी झालेला दिसून येत आहे. वर्धा, यवतमाळ, भंडारा, गडचिरोली या जिल्ह्यातील किमान तापमान 18 अंश सेल्सिअस इतके असणार आहे.

थंडीचा कडाका नुकताच कमी होत असताना आता अवकाळी संकट आल्याने शेतकऱ्यांची चिंता वाढीस लागली आहे. थंडी आणि ढगाळ वातावरण यामुळे तूर पिकावर अनेक रोगांचा प्रादुर्भाव झालाय. अशातच आता पावसाचे आगमन होणार असल्याने पुन्हा नुकसानीत भर पडणार का? अशी भीती शेतकऱ्यांच्या मनात आहे.