BBM 6 : आरबी काय करतोय? आधी तन्वीला घट्ट धरलं, नंतर जमिनीवर पाडलं अन्...; गेम खेळताना राकेशचं नको तेच कृत्य

बिग बॉस मराठी 6 च्या घरात दररोज नवनवीन ड्रामा पाहायला मिळतो. आता एका टास्कदरम्यान राकेशने तन्वीसोबत असं काही केलं आहे, आरबी काय करतोय? असा सवाल नेटिझन्सनी केला आहे.

डेंजर कीपासून वाचण्याचा हा टास्क, ज्यात सदस्यांची धडपड सुरू आहे. प्रोमोत पाहू शकता फ्रिजमध्ये ठेवल्या जाणाऱ्या सामानांचे स्टिकर्स आहेत. हे स्टिकर्स फ्रिजमध्ये अरेंज करण्याचा हा टास्क आहे.

टास्कवेळी राकेश तन्वीला अडवताना दिसतो. तो आधी तिला घट्ट धरून ठेवतो, नंतर तिला जमिनीवर पाडतो आणि तिच्या पोटावरच तो बसतो.

तन्वी सोड ना आरबी, हेल्दी गेम खेळ असं म्हणते. पण राकेश काही तिचं ऐकताना दिसत नाही. तो तिच्यावर तसाच बसून राहतो.

शेवटी तन्वी भडकलेली दिसते. ती रागाच्या भरात अकलेचा कांदा, नासका कांदा असे शब्द बोलताना दिसते. तर राकेश मधेच चूप, गप्प बस आता असं बोलताना दिसतो.

तन्वीचं असं बोलणं ऐकल्यानंतर अनेकांनी तिची तुलना रुचिताशी केली आहे. तसंच तन्वी हे जे काही बोलली ती आरबीला नाही तर विशालला बोलली असं अनेक युझर्सनी म्हटलं आहे.

आता तन्वी आणि राकेश यांच्यात नेमकं काय झालं, तन्वी नेमकं कुणाला बोलली हे संपूर्ण एपिसोडमध्येच समजेल. पण राकेशचं तन्वीसोबतचं असं वागणं अनेकांना पटलेलं नाही.