Marathwada Mukti Sangram: मराठवाडा मुक्ती संग्रामाचे ऐतिहासिक साक्षीदार, सिद्धार्थ उद्यानातील 35 पॅनल पाहिले का?

निजामाच्या जुलमी राजवटीतून 17 सप्टेंबर 1948 रोजी मराठवाडा मुक्त झाला. त्या दिवसाची आठवण म्हणून 17 सप्टेंबर हा दिवस 'मराठवाडा मुक्ती संग्राम' दिन म्हणून साजरा केला जातो. मराठवाड्याला स्वातंत्र्य मिळवून देण्यासाठी अनेक क्रांतिकारकांनी आपल्या प्राणांचं बलिदान दिलं.

मराठाड्याच्या मुक्तीसाठी अनेकांनी आपल्या प्राणाची आहुती दिली. हा धगधगता इतिहास येणाऱ्या पिढीला कळावा यासाठी छत्रपती संभाजीनगर शहरात याविषयी एक संग्रहालय उभारण्यात आलं आहे. याच संग्रहायलाबद्दल समन्वयक सारंग टाकळकर यांनी लोकल18 शी बोलताना माहिती दिली.

‎‎छत्रपती संभाजीनगर शहरातील प्रसिद्ध सिद्धार्थ उद्यानात मराठवाडा मुक्ती संग्रामाविषयी संग्रहालय उभारलेलं आहे. तत्कालीन मुख्यमंत्री उद्धव ठाकरे यांच्या मार्गदर्शनाखाली या संग्रहालयाची उभारणी करण्यात आली.

या संग्रहालयात चित्रांच्या व फोटोंच्या माध्यमातून मराठवाड्याचा आणि मुक्तीसंग्रामाचा इतिहास दाखवण्याचा प्रयत्न केला आहे. मराठवाडा मुक्ती संग्रामातील सर्व घटनाक्रम या ठिकाणी बघता येतो. इथं एका ऐतिहासिक लढ्याची माहिती होते.

अनेक स्वातंत्र्य सैनिक मराठवाडा मुक्ती संग्रामात सहभागी झाले होते. काहींनी आपल्या प्राणांची आहुती देखील दिली होती. त्यांची माहिती या ठिकाणी बघायला मिळते. संग्रहालयामध्ये 1818 पासूनचा इतिहास दाखवण्यात आला आहे.

संग्रहालयामध्ये 35 पॅनल उभे करण्यात आले असून त्यावर मराठवाड्याचा इतिहास दाखवला आहे. मराठवाड्याचा इतिहास अतिशय रक्तरंजित असून मराठवाड्याच्या मुक्तीसाठी अनेक लोकांनी खूप मोठा संघर्ष केलेला आहे.

"पुढच्या पिढीला आपला इतिहास माहिती व्हावा, यासाठी आम्ही या संग्रहालयाची उभारणी केलेली आहे. हे ठिकाण मराठवाड्यातील प्रत्येक व्यक्तीने बघावं आणि आपला इतिहास कसा होता, हे जाणून घ्याव,” असे आवहान संग्रहालयाचे समन्वयक सारंग टाकळकर करतात.