Weather Alret : महाराष्ट्रात उष्णतेचा कहर, बुधवारी आणखी संकट वाढणार, 5 जिल्ह्यांना अलर्ट

महाराष्ट्रामध्ये उष्णतेचा पारा दिवसेंदिवस चढाच पाहिला मिळत आहे. 11 मार्च रोजीही उष्ण आणि दमट हवामान महाराष्ट्रात पाहण्यास मिळेल. कोकणातील 4 जिल्ह्यांना उष्णतेचा यलो अलर्ट देण्यात आला आहे. तर विदर्भातील अकोल्यामध्ये तापमान वाढ कायम असेल. 11 मार्च रोजी विभागानुसार हवामान कसे राहील, पाहूयात.

कोकण विभागातील मुंबई, ठाणे, रायगड, रत्नागिरी, सिंधुदुर्गमध्ये उष्ण आणि दमट हवामान कायम राहील. मुंबईत कमाल 34-38 अंश सेल्सियस तर किमान तापमान 23-26 अंश राहण्याची शक्यता हवामान खात्याने वर्तवली आहे. मुंबई, ठाणे, रायगड आणि पालघरला उष्णतेचा यलो अलर्ट देण्यात आला आहे. आर्द्रता जास्त असल्याने उकाडा तीव्र जाणवेल.

पश्चिम महाराष्ट्रातील पुणे, सातारा, सांगली, कोल्हापूर आणि सोलापूरमध्ये कोरडे आणि उष्ण हवामान राहील. पुण्यात कमाल 35-38 अंश सेल्सियस तर किमान 18-21 अंश सेल्सियस तापमान राहील.

उत्तर महाराष्ट्रातील नाशिक, धुळे, जळगाव, नंदुरबारमध्ये तापमान वाढ पाहायला मिळेल. नाशिकमध्ये दिवसा 34-37 अंश सेल्सियस तर किमान 19-22 अंश सेल्सियस तापमान राहील.

मराठवाड्यातील छत्रपती संभाजीनगर, जालना, बीड, लातूर, नांदेड, परभणी आणि धाराशिवमध्ये उष्ण आणि कोरडे हवामान राहील. कमाल 35-39 अंशांपर्यंत, किमान 20-23 अंश राहील.

विदर्भातील नागपूर, अमरावती, अकोला, वाशिम, यवतमाळ, चंद्रपूर, गडचिरोली आणि बुलढाणामध्ये सर्वाधिक उष्णता जाणवेल. कमाल 36-40 अंश सेल्सियस तर किमान 21-24 अंश सेल्सियस तापमान राहील. विदर्भातील अकोल्याला उष्णतेचा यलो अलर्ट दिला आहे.

एकंदरीत, 11 मार्चला महाराष्ट्रात उन्हाळ्याचा तीव्र चटका कायम राहील. उष्णतेची लाट निर्माण झाल्यामुळे नागरिकांना योग्य ती काळजी घ्यावी लागेल. दुपारी घराबाहेर पडणे टाळावे, तसेच भरपूर पाणी प्यावे.