PHOTOS: सांगलीच्या भाविकाकडून तुळजाभवानीला सोन्याचा चंद्रहार, नथ, जोडवी अर्पण

सांगली जिल्ह्यातील उद्योजक राजेंद्र प्रकाश पवार अनुजा राजेंद्र पवार यांच्या कुटुंबाच्या वतीने हा चंद्रहार अर्पण करण्यात आला.

या चंद्रहारासोबत देवीला सोन्याची नथ आणि जोडवे देखील या कुटुंबाकडून अर्पण करण्यात आले आहेत. या चंद्रहार आणि इतर दागिन्यांची किंमत लाखो रुपयांच्या घरात आहे.

या दागिन्यांसह कुटुंबाने मंदिर संस्थानद्वारे देवीची विधिवत पूजा केली. त्यानंतर हे दागिने मंदिर संस्थानच्या ताब्यात देण्यात आले. मंदिरातील पुजारी व मंदिर संस्थांच्या वतीने या कुटुंबाचा सत्कार करण्यात आला.

दरम्यान, गेल्या 10 वर्षांमध्ये तुळजाभवानीच्या चरणी मोठ्या प्रमाणावर सोनं आणि चांदी वाहण्यात येत आहे.

मध्यंतरी 200 किलो सोनं आणि सुमारे साडे चार हजार चांदीच्या दागिन्यांना वितळवलं जाणार होतं. हे सोनं-चांदी वितळवून त्याचे मोठे ब्लॉक करण्याचा विचार संस्थानचा होता.