धुळवड साजरी करून अंघोळीसाठी तलावात उतरले, पाण्याचा अंदाज आला नाही, दोघेही बुडाले

गोंदिया जिल्ह्याच्या सडक अर्जुनी तालुक्यातील फुटाळा येथे तलावात आंघोळीसाठी गेलेल्या दोघांचा बुडून मृत्यू झाल्याची घटना आज दुपारच्या सुमारास घडली.

सागर गहाणे (वय 16) प्रणय गहाणे (वय13) असे दोन्ही मृतकांची नावे आहेत.

होळीच्या दुसऱ्या दिवशी सर्वत्र रंगपंचमी साजरी केली जाते. सडक अर्जुनी तालुक्यातील फुटाळा येथील काही मुलांनी रंगपंचमी साजरी केल्यानंतर तलावात आंघोळीसाठी गेले होते.

दरम्यान दोन तरुणांना पाण्याचा अंदाज न आल्याने त्यांचा पाण्यात बुडून मृत्यू झाला.

घटनेची माहिती होताच डुग्गीपार पोलीस घटनास्थळी दाखल झाले असून दोन्ही मृतदेह पाण्याबाहेर काढण्यात आले असून उत्तरही तपासणीसाठी ग्रामीण रुग्णालयात पाठवण्यात आले आहे.