Solapur Accident : सोलापुरात महिला कामगारांना घेऊन जाणारा टेम्पो पलटी; 10-15 महिला जखमी, अपघाताचे भीषण PHOTO

सोलापूर जिल्ह्यात दक्षिण सोलापूर तालुक्यात महिला कामगारांना घेऊन जाणारा छोटा हत्ती टेम्पो पलटी झाला.

दक्षिण सोलापूर तालुक्यातील माळकवठा ते निम्बर्गी रोडवर हा अपघात घडला.

चालकाचे नियंत्रण सुटल्यामुळे टेम्पो रस्त्याच्या कडेला पलटी झाला. यात 10 ते 15 महिला कामगार जखमी झाल्या. पैकी चार ते पाच महिला गंभीर जखमी झाल्या आहेत.

मंद्रूप येथील ग्रामीण रुग्णालयात जखमींवर उपचार सुरू असून गंभीर जखमी असणाऱ्यांना सोलापूर सिव्हिल रुग्णालयात हलवले आहे.

माळकवठाहून निम्बर्गी गावाकडे निघालेला टेम्पो वाहनाच्या चालकाचा ताबा सुटल्याने उलटला. जखमींना टेम्पोमधून बाहेर काढण्यासाठी ग्रामस्थांनी मदत केली. दरम्यान, घटनेनंतर चालक फरार झाला आहे.