मुंबई अहमदाबाद मार्गावर वाहतूक कोंडी, 10 किमी वाहनांच्या रांगा, प्रवाशांचे हाल

राजा मयाळ, प्रतिनिधी वसई : मुंबई अहमदाबाद मार्गावर प्रचंड वाहतूक कोंडी पाहायला मिळाली आहे. गेल्या काही तासांपासून प्रचंड वाहतूक कोंडी होत आहे. त्यामुळे प्रवासी कंटाळले आहेत.

वसई हद्दीत मोठ्या गाड्यांमुळे जास्त ट्रॅफिक जाम झालं आहे. मुंबई आणि गुजरात दोन्ही लेन मागच्या 4 तासापासून ठप्प झाल्याने वाहनांच्या लांबच लांब रांगा दिसत आहेत.

विरार हद्दीतील खाणीवडे टोल नाका ते वसई हद्दीत बाफाणे पर्यंत दोन्ही बाजूला 8 ते 10 किलोमीटर पर्यंत वाहनांच्या रांगा लागल्या आहेत

महामार्गावरील मुंबई लेनवर सिमेंट काँक्रीटचे काम सुरू आहे, त्यातच खानिवडे जवळ कंटेनर उलटण्यामुळे ही वाहतूक कोंडी झाली असल्याचे पोलिसांनी सांगितले आहे.

महामार्ग वाहतूक पोलीस आणि हाइवे अथॉरिटीचा ढिसाळ कारभारामुळे वाहनधारकांचे प्रचंड हाल सुरू झाले आहेत.