No Toll Tax : खुशखबर! 'या' वाहनांना आता एकही टोल देण्याची गरज नाही; सरकारचा मोठा निर्णय

महाराष्ट्रातील वाहनधारकांसाठी राज्यातून मोठी आणि दिलासादायक बातमी समोर आली आहे. बऱ्याच वर्षांपासून रखडलेल्या टोलमाफी विषयावर अखेर निर्णय घेण्यात आलेला आहे. आता राज्यातील सर्व टोलनाक्यांवर काही वाहनांना पूर्णपणे टोलमाफ करण्यात येणार आहे.

चला तर जाणून घेऊयात नक्की कोणत्या वाहनांना सर्व टोलनाक्यांवर टोल शुल्क लागणार नाहीत शिवाय आतापर्यंत भरलेला टोलही परत मिळणार आहे.

इलेक्ट्रिक वाहनांनी आतापर्यंत भरलेला टोल आता परत मिळणार आहे. त्याचबरोबर राज्यातील सर्व एक्स्प्रेसवे, हायवे आणि टोल नाक्यांवर ई-वाहनांकडून टोल आकारू नये अशा स्पष्ट सूचना राज्य सरकारला विधानसभा अध्यक्ष राहुल नार्वेकर यांनी दिल्या आहेत.

विधानसभाध्यक्षा नार्वेकर यांनी सरकारला कडक शब्दांत सांगितले की ई-वाहनांवरील टोलमाफीचा निर्णय शासनाने आधीच घोषित केला आहे आणि त्यानंतरही वाहनधारकांकडून टोल आकारला जात असेल तर तो प्रकार सरळसरळ बेकायदेशीर ठरतो.

नार्वेकर यांनी पुढे सांगितले की राज्यातील सर्व टोल नाक्यांनी आठ दिवसांच्या आत ई-वाहनांवरील टोल वसुली पूर्णपणे थांबवावी आणि या आदेशाची काटेकोर अंमलबजावणी करावी. त्यांनी सर्व संबंधित विभागांना कळवले की कोणत्याही परिस्थितीत इलेक्ट्रिक वाहनधारकांकडून शुल्क घेतले जाऊ नये. याशिवाय आधी ज्या वाहनचालकांकडून टोल आकारला गेला आहे त्याची परतफेडही लवकर केली जावी.

ई-वाहनांचा वाढता वापर आणि प्रदूषण कमी करण्याच्या दृष्टीने हे सर्व निर्णय अत्यंत महत्त्वाचे मानले जात आहेत. महाराष्ट्रात इलेक्ट्रिक वाहनांची संख्या जलदगतीने वाढत असताना आवश्यक सुविधा निर्माण करणे ही गरज अधिक भासू लागली आहे.

राज्य सरकारच्या या निर्णयामुळे हजारो इलेक्ट्रिक वाहनधारकांना आर्थिक दिलासा मिळणार असून प्रवास खर्चातही मोठी घट होईल. टोलमाफी आणि चार्जिंग सुविधांच्या विस्तारामुळे इलेक्ट्रिक वाहनांचा वापर आणखी वाढण्याची शक्यता आहे.