कमल हासनची हिरोईन, 9 वर्षांपासून इंडस्ट्रीतून गायब; भारतही सोडला, गेली कुठे?

प्रेक्षकांचे लक्ष वेधून घेणाऱ्या आणि त्यांच्या पहिल्या चित्रपटात दमदार अभिनय करणाऱ्या अभिनेत्री अनेकदा विविध कारणांमुळे चित्रपटसृष्टी सोडून जातात. त्या पुन्हा सिनेमात दिसतील का असा प्रश्न अनेकांना पडतो. चाहते अभिनेत्रीच्या कमबॅकची आतुरतेने वाट पाहत असतात. या अभिनेत्री जेव्हा अनेक वर्षांनी प्रेक्षकांसमोर येतात तेव्हा त्यांच्याकडे पाहून विश्वास बसत नाही. त्यांना ओळखणं कठिण होतं.

कमलिनी मुखर्जी या अभिनेत्रीब या अभिनेत्रीनं 2004 साली शिल्पा शेट्टी, सलमान खान आणि अभिषेक बच्चन यांच्या 'फिर मिलेंगे' या हिंदी चित्रपटातून अभिनय क्षेत्रात पदार्पण केलं. शेखर कमुला दिग्दर्शित 'आनंद' या चित्रपटातून तिने तेलुगू चित्रपटात पदार्पण केले. या चित्रपटासाठी तिला पुरस्कारही मिळाला.

या अभिनेत्रीनं 2006 साली  गौतम वासुदेव मेनन दिग्दर्शित 'वेत्तैयादु वैद्यदु' या चित्रपटातून अभिनेत्री म्हणून तमिळ चित्रपटसृष्टीत प्रवेश केला. या सिनेमात तिच्याबरोबर अभिनेते कमल हासन प्रमुख भूमिकेत होते.  हा चित्रपट प्रचंड यशस्वी झाला. 'पार्थ मुथला नाले' हे गाणे प्रेक्षकांनी डोक्यावर घेतलं. या गाण्यामुळे ही अभिनेत्री तमिळ चाहत्यांमध्ये घराघरात लोकप्रिय झाली.

आपण ज्या अभिनेत्रीबद्दल बोलतोय की अभिनेत्री म्हणजेच कमलिनी. तिने  नागार्जुन, पवन कल्याण आणि राम चरण यांच्यासोबत 'गोदावरी', 'क्लासमेट', 'हॅपी डेज' आणि 'जलसा' या तेलुगू चित्रपटांमध्ये काम केलं. तिने मल्याळम चित्रपट 'कुट्टी शारंगू' द्वारे अभिनय क्षेत्रात पदार्पण केलं. तिनं तमिळ, तेलुगू, कन्नड, मल्याळम, बंगाली आणि हिंदीसह विविध भाषांमधील चित्रपटांमध्ये काम केलं आहे. 

'वेत्तैयादु वैद्य' या तमिळ चित्रपटानंतर तिने 'कथलाना सुम्मा इल्ला' मध्ये काम केले. त्यानंतर तिने कार्तिक सुब्बाराज दिग्दर्शित 'इरैवी' चित्रपटात काम केलं. त्याच वर्षी तिने मोहनलाल अभिनीत मल्याळम चित्रपट 'पुली मुरुगन' मध्ये काम केलं. त्यानंतर कमलिनी मुखर्जीनं तेलुगू चित्रपट सोडला.

कमलिनीने अलीकडेच एका मुलाखतीत तेलुगू चित्रपटातून बाहेर पडण्याचे कारण स्पष्ट केले. ती म्हणाली, "मी माझ्या शेवटच्या तेलुगू चित्रपट 'गोविंदुदु अंडारीवाडेले' मध्ये राम चरणसोबत काम केलं होतं. चित्रपटाच्या टीमने माझ्याशी चांगले वागले. पण चित्रपट प्रदर्शित झाल्यानंतर मला धक्का बसला."

"माझ्या व्यक्तिरेखेचे ​​चित्रण मला आवडले नाही. यामुळे मला खूप दुःख झाले. म्हणूनच मी तेलुगू चित्रपटात अभिनय करणं सोडलं" अभिनेत्री कमलिनी मुखर्जी 2016 पासून अभिनय क्षेत्रापासून दूर आहे. तिने भारत सोडला असून ती अमेरिकेत स्थायिक झाली आहे. तिचे फोटो ती सोशल मीडियावर शेअर करत असते. 

कमलिनी आता पूर्णपणे बदलली आहे. सिनेमाच्या पडद्यावर सगळ्यांचं लक्ष वेधणारी अभिनेत्री हिच होती का असे प्रश्न चाहते विचारू लागले आहेत. 2023 मध्ये नवीन वर्षाच्या दिवशी झालेल्या एका कार्यक्रमात कमलिनीचा एक फोटो समोर आला होता त्यानंतर तिचा एकही लेटेस्ट फोटो चाहत्यांना पाहायला मिळालेला नाही.