Weather Alert: वारं फिरलं! दसऱ्याला कोकणच्या हवामानात मोठे बदल, मुंबईकरांसाठी IMD चं अपडेट

सप्टेंबर महिनाभर मुसळधार पावसाचा तडाखा सहन केलेल्या कोकण किनारपट्टीला आता थोडासा दिलासा मिळणार आहे. गेल्या आठवडाभर जोरदार सरींनी मुंबईसह ठाणे, नवी मुंबई, पालघर, रायगड, रत्नागिरी आणि सिंधुदुर्ग या जिल्ह्यांतील जनजीवन विस्कळीत केले होते. अनेक भागांत पाणी साचले, तर वाहतूक व्यवस्थेलाही फटका बसला. मात्र, ऑक्टोबरच्या पहिल्या आठवड्याला सुरुवात होताच पावसाने आज विश्रांती घेतली आ

मुंबईत आज सकाळपासून ढगाळ वातावरण आहे, मात्र पाऊस थांबलेला आहे. मागील काही दिवसांत मुसळधार पावसामुळे शहरातील रस्ते व खालच्या भागांत पाणी साचले होते. आज मात्र पाणी ओसरत असून वाहतूक पूर्ववत होण्यास सुरुवात झाली आहे. तापमान 27 ते 31 अंश सेल्सिअस दरम्यान राहील. वारे सौम्य असून दमट हवामानामुळे उकाडा जाणवेल.

ठाणे आणि नवी मुंबई परिसरातही आज पावसाला विराम मिळाल्याचे चित्र आहे. मागील काही दिवस मुसळधार सरींमुळे रस्त्यांवर अडथळे निर्माण झाले होते, मात्र आता हवामान सामान्य झाले आहे. दिवसभर आकाश ढगाळ राहील आणि काही ठिकाणी हलकी रिमझिम होऊ शकते. तापमान 26 ते 30 अंश सेल्सिअस दरम्यान राहील. वाऱ्याचा वेग साधारण 12 किमी प्रतितास इतका राहील. दमट वातावरणामुळे उष्णता जाणवेल.

[caption id="attachment_1493685" align="aligncenter" width="1080"] पालघर जिल्ह्यात आज पावसाचा जोर कमी राहील. आकाश ढगाळ राहून तुरळख ठिकाणी हलका ते मध्यम स्वरुपाचा पाऊस होईल. पुढील काही दिवस पावसाचा कोणताही अलर्ट नाही. त्यामुळे नागरिकांना दिलासा मिळणार आहे.</dd> <dd>[/caption]

रायगड, रत्नागिरी आणि सिंधुदुर्गया तिन्ही जिल्ह्यांमध्ये सप्टेंबर महिन्यात पावसाने अक्षरशः हैदोस घातला होता. मात्र आज मुसळधार सरी थांबल्या असून हवामान आटोपशीर झाले आहे. आकाशात थोडा ढगाळपणा दिसेल पण पाऊस नाही. तापमान 25 ते 29 अंश सेल्सिअस दरम्यान राहील. वारे सौम्य असतील आणि किनारी भागांत दमट हवामान जाणवेल.