Mumbai Guide: मुंबई फिरायच्या विचारात आहात? ॲक्वा लाईन मेट्रोने फिरा 'हे' 7 ठिकाण

गेल्या काही दिवसांपूर्वी पंतप्रधान नरेंद्र मोदी यांच्या हस्ते मेट्रो लाईन 3 ॲक्वा लाईनचे उद्घाटन करण्यात आले. दक्षिण मुंबईमध्ये असलेले कफ परेड हे ठिकाण अनेक मुंबईकरांचं आवडीच ठिकाण आहे. या ठिकाणी असलेल्या अनेक ठिकाणी तुम्ही भेट देऊ शकता.

कफ परेड जवळ असलेल्या सागर उपवन या ठिकाणी तुम्ही तुमच्या फॅमिली सोबत क्वालिटी टाइम स्पेंड करू शकता. सोबतच शेजारी असलेल्या फेसाळणाऱ्या समुद्राचा तुम्ही आनंद घेऊ शकता.

कुलाबा कॉजवे इथे तुम्ही शॉपिंग सुद्धा करू शकता. इथे तुम्ही फॅशन संबंधित अनेक गोष्टी खरेदी करू शकता.

गेट वे ऑफ इंडिया किंवा ताज हॉटेलला सुद्धा तुम्ही भेट देऊ शकता. अनेक पर्यटकांचं आवडीचे हे ठिकाण आहे. या ठिकाणी दररोज लाखो पर्यटक भेट देतात.

पहिल्या अफगाण युद्धातील सैनिकांच्या स्मृतीप्रित्यर्थ बांधलेल्या सेंट जॉन द इव्हॅजेलिस्ट हे अफगाण चर्च देखील तुम्ही पाहू शकता.

चर्चगेटला जाण्यासाठी टॅक्सी, मेट्रो किंवा चालत जात तुम्ही मरीन ड्राइव्हवर फेसाळणाऱ्या समुद्राची गंमत घेऊ शकता. जर तुम्ही रात्रीच्या वेळी मरीन ड्राईव्हवरून चालत गेलात तर तुम्हाला खूप सुंदर दृश्य पाहायला मिळेल.

मुंबईतील सर्वात जुन्या ठिकाणांपैकी एक म्हणजे, ससून डॉक होय. स्थानिक मच्छिमार तिथेच दररोज आपला मासळी बाजार भरवतात. हा परिसर कायमच गजबजलेला राहतो.

प्राचीन दगडात कोरलेल्या एलिफंटा लेण्या असलेल्या गुहा आणि मंदिरात जायचं असेल तर, गेटवे ऑफ इंडियावरून बोट पकडा. एलिफंटा लेणीला युनेस्कोने जागतिक वारसा म्हणून घोषित केले.