पश्चिम महाराष्ट्रात पुन्हा जोरधार! ‘या’ जिल्ह्यांना हवामान विभागाचा इशारा

राज्यात पुढील 2 दिवस जोरधार पाऊस पडण्याची शक्यता आहे. त्यामुळे पश्चिम महाराष्ट्रात जोरधार पावसाची शक्यता वर्तवण्यात आली आहे. वादळी वारे, मेघगर्जनेसह जोरधार पाऊस होण्याची शक्यता आहे.

पुणे जिल्ह्यात तूरळक ठिकाणी वादळीवाऱ्यासह खूप जोरधार पाऊस पडण्याची शक्यता आहे. तसेच शिरूर,मंचर, खेड या ठिकाणी देखील जोरधार पावसाचा इशारा हवामान विभागाने दिलाय. पुण्यातील आज 28 अंश सेल्सीअस कमाल तर 21 अंश सेल्सीअस किमान तापमान असेल.

सातारा जिल्ह्यातील काही भागात सायंकाळी जोरधार वाऱ्यासह विजांच्या कडकडाटात, ढगांच्या गडगडाटात मुसळधार पाऊस होण्याची शक्यता हवामान विभागाने वर्तवली आहे. साताऱ्यात 26 अंश सेल्सीअस कमाल तर 20 अंश सेल्सीअस किमान तापमान असेल.

सांगली जिल्ह्यात जोरधार पावसाला सुरुवात झाली आहे. त्यामुळे खरीप हंगामातील तूर, उडीद पिकांच्या काढणीला या पावसामुळे ब्रेक लागला आहे. मिरज, जत,तासगाव, शिराळा, आटपाडी,पलूस,कडेगाव या भागात जोरधार पावसाची शक्यता हवामान विभागाने वर्तवली आहे. सांगली जिल्ह्यात 25 अंश सेल्सीअस कमाल तर 20 अंश सेल्सीअस किमान तापमान असेल.

कोल्हापूर जिल्ह्यातील हातकणंगले,शिरोळ,करवीर,गगनबावडा,राधानगरी,कागल या तालुक्यात जोरधार पावसाची शक्यता हवामान विभागाने वर्तवली आहे. कोल्हापूरमध्ये 27 अंश सेल्सीअस कमाल तर 22 अंश सेल्सीअस किमान तापमान असेल. सोलापूर शहर तसेच ग्रामीण भागात आज दुपारी जोरधार पावसाची शक्यता वर्तवण्यात येत आहे. बार्शी, अक्कलकोट, पंढरपूर, मंगळवेढा, सांगोला, मोहोळ या तालुक्यात जोरदार पाऊस पडेल. आज सोलापूरमध्ये 25 अंश सेल्सीअस कमाल तर 20 अंश सेल्सीअस किमान तापमान असेल.

पश्चिम महाराष्ट्रात पावसाने जोरधार कमबॅक केलेलं आहे. सर्वच जिल्ह्यात जोरदार पावसाची शक्यता हवामान विभागाने दिली आहे. नागरिकांनी सतर्क राहावं अस आवहन करण्यात येतंय.