कुठे जोरधार, तर कुठे दिलासा.., पश्चिम महाराष्ट्रात आज पावसाचा अंदाज काय?

परतीच्या पावसाने राज्यातील बहुतांश भागात आता विश्रांती घेतली आहे. परंतु, पश्चिम महाराष्ट्रातील काही भागात सुरूच आहे. आज पुन्हा पुणे आणि साताऱ्यात पावसाची शक्यता वर्तवण्यात आलीये. तर उर्वरित जिल्ह्यांत आकाश ढगाळ राहील.

पुणे शहरासह परिसरात आज ढगाळ वातावरणाची शक्यता आहे. तसेच दुपारनंतर किंवा संध्याकाळी जोरदार पाऊस पडण्याचा अंदाज आहे. पुणे जिल्ह्याच्या ग्रामीण भागातही हलक्या पावसाची शक्यता आहे. पुण्यात आज 27 अंश कमाल तर 22 अंश सेल्सिअस किमान तापमान असेल.

सातारा जिल्ह्याला पावसाचा यलो अलर्ट देण्यात आला असून आज साताऱ्यातील काही भागात मध्यम स्वरूपाच्या पावसाची शक्यता आहे. कराड, वाई या ठिकाणी जोरदार पाऊस पडेल असा अंदाज वर्तवण्यात आला आहे. साताऱ्यात 28 अंश कमाल तर 23 अंश सेल्सिअस किमान तापमान असेल.

कोल्हापूर जिल्ह्यात वातावरण ढगाळ राहील. तर काही ठिकाणी ऊन पडेल. आजरा, करवीर, कागल, गगनबावडा या ठिकाणी तुरळक पावसाची शक्यता हवामान विभागाने वर्तवली आहे. कोल्हापूर मध्ये आज 28 अंश कमाल तर 20 सेल्सिअस किमान तापमान असेल.

सोलापूर जिल्ह्यात आज मध्यम स्वरूपाच्या पावसाचा अंदाज आहे. करमाळा, पंढरपूर, मोहोळ, माढा, सांगोला या ठिकाणी पावसाची शक्यता हवामान विभागाने वर्तवली आहे. सोलापूर मध्ये 26 अंश कमाल तर 21अंश सेल्सिअस किमान तापमान असेल.

पश्चिम महाराष्ट्रातील पुणे आणि सातारा या जिल्ह्यात पावसाची शक्यता हवामान विभागाने वर्तवली असून बाकी जिल्ह्यात वातावरण ढगाळ राहील असा अंदाज आहे. एकंदरीतच राज्यातील काही भागात पावसाने विश्रांती घेतली असली तरी काही भागात परतीचा पाऊस हजेरी लावतोय.