ओठावर तीळ असणाऱ्या व्यक्ती असतात कमालीच्या रोमँटिक, 'या' विशिष्ट जागेवर तीळ असणाऱ्यांचा कसा असतो स्वभाव?

मानवी शरीरावरील तीळ केवळ सौंदर्यात भर घालत नाहीत, तर समुद्रशास्त्रानुसार ते व्यक्तीचे भविष्य आणि स्वभाव देखील सांगतात. चेहऱ्यावरील तीळ, विशेषतः ओठांवर किंवा ओठांच्या आजूबाजूला असलेला तीळ, व्यक्तीच्या व्यक्तिमत्त्वाबद्दल बरेच काही सांगून जातो. ओठांवरील तीळ हे केवळ आकर्षणाचे केंद्र नसून ते तुमच्या नशिबाचे संकेतही मानले जातात.

ओठाच्या वरच्या बाजूला उजवीकडे तीळ: ज्या व्यक्तींच्या वरच्या ओठाच्या उजव्या बाजूला तीळ असतो, त्या व्यक्ती अत्यंत नशीबवान मानल्या जातात. अशा व्यक्तींना समाजात खूप मान-सन्मान मिळतो. या व्यक्ती कष्टाळू असतात आणि त्यांना विलासी जीवन जगणे आवडते. यांचा स्वभाव मनमिळाऊ असतो.

ओठाच्या वरच्या बाजूला डावीकडे तीळ: वरच्या ओठाच्या डाव्या बाजूला तीळ असणे हे व्यक्तीच्या हळव्या आणि दयाळू स्वभावाचे लक्षण आहे. अशा व्यक्तींना आपल्या जवळच्या लोकांची काळजी घेणे आवडते. मात्र, कधीकधी हे लोक थोडे हट्टी असू शकतात. यांना आयुष्यात सुख-सुविधा सहज प्राप्त होतात.

ओठाच्या खालच्या भागात तीळ: ओठाच्या खालच्या बाजूला तीळ असलेल्या व्यक्ती खादाड आणि रसिक असतात. त्यांना नवनवीन पदार्थ चाखण्याची आवड असते. कलेच्या क्षेत्रात या व्यक्तींना विशेष रुची असते. मात्र, आरोग्याच्या बाबतीत त्यांनी थोडे सावध राहणे गरजेचे असते.

थेट ओठावरच तीळ असणे: ज्यांच्या थेट ओठावर तीळ असतो, त्या व्यक्ती अत्यंत आकर्षक आणि रोमँटिक स्वभावाच्या असतात. यांचे संभाषण कौशल्य उत्तम असते, ज्यामुळे लोक यांच्याकडे लवकर आकर्षित होतात. या व्यक्तींना प्रवासाची खूप आवड असते आणि त्या खूप बोलक्या असतात.

ओठाच्या खाली डावीकडे तीळ: ओठाच्या खाली डाव्या बाजूला तीळ असल्यास, अशा व्यक्तींना भविष्यात आर्थिक स्थैर्य मिळते. या व्यक्ती कामाप्रती खूप प्रामाणिक असतात. मात्र, यांना कधीकधी गुप्त शत्रूंचा त्रास होऊ शकतो. या व्यक्तींना शांत राहायला आवडते.

कामुकता आणि यश: समुद्रशास्त्रानुसार, ओठांवरील तीळ हा कामुकतेचे प्रतीक मानला जातो. अशा व्यक्तींच्या आयुष्यात प्रेमाला खूप महत्त्व असते. या व्यक्तींना स्वतःचे मत ठामपणे मांडायला आवडते आणि त्या आपल्या कष्टाने शून्यातून जग उभे करण्याची ताकद ठेवतात. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)