अक्षय तृतीयेला न विसरता दान करा 'या' 3 वस्तू, पण चुकूनही करू नका 'अशा' चुका; अन्यथा होईल नुकसान!

यावर्षी 19 एप्रिल 2026, रविवार रोजी अक्षय तृतीया साजरी केली जाणार आहे. या दिवशी केलेले दान आणि शुभ कार्य 'अक्षय' म्हणजेच कधीही न संपणारे फळ देते, अशी धार्मिक धारणा आहे. अक्षय तृतीयेला सोने खरेदी करण्याइतकेच महत्त्व दानधर्माला दिले गेले आहे. जर तुम्हाला जीवनात सुख-समृद्धी हवी असेल, तर शास्त्रात सांगितलेल्या 'या' 3 वस्तूंचे दान आवर्जून करा. सोबतच, या दिवशी काही चुका करणे टाळावे, अन्यथा पुण्याचे फळ कमी होऊ शकते.

जलदान : अक्षय तृतीया ही उन्हाळ्यात येते, त्यामुळे तहानलेल्यांना पाणी देणे हे सर्वात मोठे पुण्य मानले जाते. या दिवशी मातीचा नवीन माठ खरेदी करून त्यात पाणी भरून ते दान करावे. असे केल्याने पितरांच्या आत्म्याला शांती मिळते आणि घरामध्ये शीतलता व सुख-शांती नांदते.

अन्नदान आणि सातू : भुकेल्याला अन्न देणे हे 'महादान' आहे. अक्षय तृतीयेला सातू, गूळ, तांदूळ किंवा गहू दान करणे सोन्याच्या दानाइतकेच शुभ मानले जाते. सातूला हिंदू धर्मात 'कनक' मानले गेले आहे, त्यामुळे सातूचे दान केल्याने दरिद्रता दूर होते आणि अन्नाची कमतरता कधीही भासत नाही.

चप्पल आणि वस्त्रदान: रणरणत्या उन्हात अनवाणी चालणाऱ्यांना चप्पल किंवा जोडे दान करणे अत्यंत पुण्यदायी आहे. तसेच, गरिबांना नवीन वस्त्रे किंवा छत्री दान केल्याने घरातील आजारपण दूर होते आणि कुंडलीतील ग्रहांचे अशुभ परिणाम कमी होतात.

कर्ज घेणे किंवा देणे टाळा: अक्षय तृतीयेच्या दिवशी कधीही कर्ज काढू नका. असे मानले जाते की, या दिवशी घेतलेले कर्ज 'अक्षय' होऊ शकते, म्हणजेच ते फेडताना खूप अडचणी येऊ शकतात. तसेच, कोणालाही पैसे उसने देऊ नका, कारण यामुळे घरातील लक्ष्मी दुसऱ्याकडे जाते, असे मानले जाते.

राग आणि नकारात्मकता: अक्षय तृतीया हा माता लक्ष्मीचा दिवस आहे. या दिवशी कोणाशीही वाद घालू नका, अपशब्द वापरू नका किंवा कोणाचाही अपमान करू नका. ज्या घरात कलह किंवा नकारात्मकता असते, तिथून लक्ष्मी माता निघून जाते. घरातील वातावरण उत्साही आणि आनंदी ठेवा.

अशुभ वस्तूंची खरेदी: या दिवशी लोखंड, ॲल्युमिनियम, स्टील किंवा प्लास्टिकच्या वस्तू खरेदी करणे अशुभ मानले जाते. या धातूंना राहूचे प्रतीक मानले जाते. तसेच काळ्या रंगाचे कपडे किंवा काटेरी झाडे या दिवशी घरी आणू नका, कारण यामुळे प्रगतीत अडथळे येऊ शकतात. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)