Raaka : राक्षसासारखे हात आणि भयानक चेहरा! कोण आहे हा अभिनेता, ओळखलंत का?

सोशल मीडियावर एक पोस्टर व्हायरल होत होतं, अस्वलासारखा केसाळ हात आणि त्यावर मोठमोठी नखं. AA22xA6 अशा नावाने हे पोस्टर प्रदर्शित करण्यात आलं.

एका फिल्मचं हे पोस्टर. हात पाहिला तर तर तो एखाद्या खतरनाक प्राण्याचा किंवा राक्षसाचा वाटावा असा आहे. हा हात कुणाचा असा प्रश्न अनेकांना पडला.

भयानक हातानंतर आता ज्याचा हा हात आहे, त्याचा चेहराही दाखवण्यात आला आहे. जितका हा हात भयानक तितकाच चेहराही भयंकर आहे.

AA22xA6 अशा नावासह लाँच करण्यात आलेलं हे फिल्मचं पोस्टर. फिल्मचं नावही आता सांगण्यात आलं आहे. ही फिल्म आहे राका.

या पोस्टरमधील खतरनाक हात आणि भयानक चेहरा आहे तो अभिनेता अल्लू अर्जुनचा. 8 एप्रिलला त्याच्या बर्थडेच्या निमित्ताने त्याच्या नव्या फिल्मचं हे पोस्टर लाँच करण्यात आलं आहे.

राका फिल्ममधील अल्लू अर्जुनचा हा फर्स्ट लूक पाहून सर्वजण थक्क झाले आहेत. आपल्या स्टायलिश स्टारडमसाठी ओळखला जाणारा अल्लू अर्जुन या चित्रपटात एका पूर्णपणे वेगळ्या आणि भीतीदायक अवतारात दिसला आहे.

या चित्रपटाचे दिग्दर्शन प्रसिद्ध दिग्दर्शक अॅटली करत आहेत.  'राका' हा एक बिग-बजेट अॅक्शन थ्रीलर असून तो हिंदी, तेलगू, तामिळ, मल्याळम, कन्नड, उर्दू आणि बंगाली अशा 7 भाषांमध्ये प्रदर्शित होईल. फिल्ममध्ये अल्लू अर्जुनसोबत अभिनेत्री दीपिका पादुकोण आहे. फिल्मची रिलीज डेट अद्याप समोर आलेली नाही.