IND vs SA : ऑस्ट्रेलिया दौऱ्यात डावललं, आता एकटाच पुरून उरतोय, साऊथ अफ्रिकेविरुद्ध ठोकली खणखणीत सेंच्युरी!

दक्षिण आफ्रिकेविरुद्धच्या कसोटी मालिकेसाठी भारतीय संघाची घोषणा करण्यात आली आहे आणि स्टार यष्टिरक्षक-फलंदाज ऋषभ पंतचे पुनरागमन झाले आहे. पंत इंग्लंडमध्ये झालेल्या दुखापतीमुळे बाहेर होता आणि वेस्ट इंडिजविरुद्धच्या शेवटच्या कसोटी मालिकेत खेळू शकला नाही. तथापि, तो आता परतला आहे आणि यष्टिरक्षकपदाची जबाबदारी स्वीकारेल.

भारत अ आणि दक्षिण आफ्रिका अ यांच्यातील कसोटी सामना सध्या सुरू आहे. भारताचे स्टार खेळाडू पहिल्या दिवशी वाईटरित्या अपयशी ठरले. असं असताना भारताच्या एका तरुण खळाडूला ऑस्ट्रेलिया दौऱ्यातून डावलण्यात आलं होत. आता त्याच खेळाडूने दमदार सेंचुरी ठोकली आहे.

तरुण ध्रुव जुरेलने शतक झळकावून टीम इंडियासाठी आपला दावा मजबूत केला आहे. जेव्हा ध्रुव जुरेल फलंदाजीसाठी आला तेव्हा टीम इंडिया खूप अडचणीत होती.

त्याने प्रथम कुलदीप यादव आणि नंतर मोहम्मद सिराजसोबत भागीदारी केली आणि संघाला मजबूत स्थितीत आणले. आता भारत विरुद्ध दक्षिण आफ्रिका मालिकेत खेळण्याचा जुरेलचा दावा आणखी मजबूत झाला आहे.

जेव्हा भारत फलंदाजीसाठी आला तेव्हा त्यांना पहिला धक्का सुरुवातीलाच बसला जेव्हा सलामीवीर अभिमन्यू ईश्वरन तीन चेंडूंनंतर बाद झाला. केएल राहुलने 19 धावा केल्या, तर साई सुदर्शनने फक्त 17 धावा केल्या.

देवदत्त पडिकलने 5 आणि कर्णधार ऋषभ पंतने 24 धावा केल्या. ध्रुव जुरेल क्रीजवर आला तेव्हा भारताची अवस्था 4 बाद 59 अशी झाली होती आणि संघ अडचणीत सापडला होता. त्यानंतर जुरेलने जबाबदारी स्वीकारली.

भारत अ संघाचा डाव अखेर 255 धावांवर संपला, परंतु दक्षिण आफ्रिका अ संघाचे गोलंदाज ध्रुव जुरेलला बाद करण्यात अपयशी ठरले. या तरुण यष्टिरक्षकाने 12 चौकार आणि चार षटकारांसह 132 धावा काढल्यानंतर नाबाद राहिला.