Virat Kohli : कोहलीचा 'विराट' रेकॉर्ड,पण सचिनचा विक्रम मोडता येणार नाही

वडोदराच्या मैदानात भारत आणि न्यूझीलंड यांच्यातील पहिल्या वनडे सामन्याला सूरूवात झाली आहे. हा सामना रोमांचक स्थितीत पोहोचला आहे.

या सामन्यात मैदानात पाय ठेवताच विराट कोहलीने मोठा रेकॉर्ड केला आहे. हा रेकॉर्ड नेमका काय आहे? हे जाणून घेऊयात.

विराट कोहलीने या सामन्यात वनडे क्रिकेटमध्ये 309 सामन्यांचा आकडा पूर्ण केला आहे. हा आकडा गाठताना त्याने टीम इंडियाचा दिग्गज क्रिकेटपटू सौरव गांगुलीला मागे टाकले आहे.

सौरव गांगुलीच्या नावावर भारतासाठी 308 सामने खेळण्याचा रेकॉर्ड आहे. पण हा रेकॉर्ड ब्रेक करत विराट कोहली पुढे निघाला आहे.

दरम्यान भारताकडून सर्वांधिक वनडे सामने खेळण्यात विराट कोहली पाचव्या स्थानी आहे. तर 334 सामने खेळून मोहम्मद अझरुद्दीन चौथ्या स्थानी आहे.

तसेच या क्रमवारीत पहिल्या स्थानी हा क्रिकेटचा देव सचिन तेंडुलकर आहे. सचिनने भारतासाठी 463 वनडे सामने खेळले आहेत.

सचिननंतर एमएस धोनी 347 आणि राहुल द्रविडने 340 वनडे सामने खेळले आहे. दरम्यान जरी विराटने हा पराक्रम केला असला तरी सचिनचा रेकॉर्ड तोडणं खूपच अशक्य आहे.