PAK vs NZ : पाकिस्तानला पावसाने वाचवलं! सुपर 8 च्या पहिल्याच सामन्यात कॅप्टन सलमानने केली घोडचूक, कुणाच्याच लक्षात आलं नाही

टी-20 वर्ल्ड कप 2026 मध्ये पाकिस्तान आणि न्यूझीलंड यांच्यातील सुपर-8 फेरीचा पहिलाच सामन्यात पावसाने हिरमोड केला. दोन्ही बलाढ्य संघांमध्ये होणारा हा सामना सेमीफायनलसाठी अत्यंत महत्त्वाचा मानला जात होता.

शनिवारी सायंकाळी 6:30 वाजता मॅचला सुरुवात होणार होती, पण पावसाचा जोर अचानक वाढल्याने परिस्थिती बदलली. पाऊस सुरू होण्यापूर्वी टॉस पार पडला. पाकिस्तानचा कॅप्टनने टॉस जिंकला.

टॉस जिंकून सलमान अली आगा याने बॅटिंग करण्याचा निर्णय घेतला होता. पण हाच निर्णय पाकिस्तानच्या अंगलटी आला असता. पावसाने पाकिस्तानला वाचवलं नाहीतर पाकिस्तानची हकालपट्टी निश्चित होती.

पाकिस्तानच्या कॅप्टनची ही चूक कुणाच्याच लक्षात आली नाही. पावसाचं वातावरण असताना ओव्हर्स घटवल्या असत्या तर चेस करणं अधिक सोपं झालं असतं. पाकिस्तानच्या कॅप्टनच्या डोक्यात ही गोष्टच आली नाही.

डवर्थ लुईसच्या आधारावर पाकिस्तानला चेस करणं सोपं गेलं असतं. त्यामुळे सलमानच्या निर्णयावर पाकिस्तानमधून देखील टीका होताना दिसत आहे. अनेक माजी खेळाडूंनी सलमानच्या निर्णयाला हास्यास्पद म्हटलं आहे.

पाकिस्तानची कमकुवत फलंदाजी पाहता सलमान अली आगा याने प्रथम फलंदाजी करण्याचा निर्णय घेतला असावा. बॉलिंगच्या जिवावर मॅच जिंकण्याचं स्वप्न पाकिस्तान पाहतंय. अशातच पावसामुळे मोठा घोळ झाला असता.

दरम्यान, पाकिस्तानचा पुढील सामना 24 फेब्रुवारी रोजी इंग्लंडविरुद्ध असेल, तर 28 फेब्रुवारी रोजी श्रीलंकेचा सामना पाकिस्तानशी होईल. त्यामुळे आता उत्सुकता शिगेला पोहोचली आहे.