डॉमेस्टीकमध्ये शतक ठोकून थकला,आज पुन्हा वादळी खेळी, तरी संधी मिळेना, कोण आहे खेळाडू?

रणजी ट्रॉफी 2025-26च्या दुसऱ्या टप्प्याला आजपासून सूरूवात झाली आहे. या टप्प्यातही मुंबईकडून खेळणाऱ्या सर्फराज खानची बॅट तळपली आहे.

मुंबई आणि हैदराबाद यांच्यात सामना सूरू आहे. या सामन्यात सरफराज खानने शतकीय खेळी केली आहे.

खरं तर प्रथम फलंदाजी करताना मुंबईच्या डावाची सूरूवात खूपच खराब झाली होती. मुंबईकडून अखिल हेरवाडकर आणि आकाश आनंद हे दोन्ही सलामीवीर स्वस्तात बाद झाले होते.

त्यानंतर मुशीर खान 11 धावांवर बाद झाला. यानंतर मैदानात आलेल्या सिद्धेश लाड आणि सरफराज खानच्या जोडीने मुंबईचा डाव सावरला होता.

या दरम्यान सरफराज खानने 123 बॉलमध्ये 103 धावांची नाबाद खेळी केली आहे. या खेळीत सरफराजने 4 षटकार आणि 9 चौकार लगावले आहेत. सरफराजसोबत सिद्धेश लाडने 76 धावांची नाबाद खेळी केली आहे.त्यामुळे मुंबईचा डाव 3 विकेट गमावून 265 धावा दिवसअखेर केल्या आहेत.

दरम्यान सरफराज खानने मागच्या वर्षी सय्यद मुश्ताक अली ट्रॉफी स्पर्धेत दोन शतकं ठोकली होती. त्यानंतर विजय हजारेमध्ये एक शतक आणि आता नवीन वर्षात रणजीत शतक ठोकलं आहे.

विशेष म्हणजे याआधी सरफराजने आपलं वजन ही कमी केलं होते.त्यासोबत तीन फॉरमॅटमध्ये शतक ठोकूनही त्याला टीम इंडियात संधी मिळत नाही आहे.