Vaibhav Suryavanshi : वैभव सूर्यवंशीचा थेट तेंडुलकरशी पंगा, अर्जुनला 300च्या स्ट्राईक रेटने चोपलं

टीम इंडियाचा स्टार युवा क्रिकेटपटू वैभव सूर्यवंशी सध्या प्रचंड फॉर्ममध्ये आहे. आज त्याने सचिन तेंडुलकरचा लेक अर्जुन तेंडुलकरला त्याच्या गोलंदाजीवर धू धू धुतलं होतं.

सय्यर मुश्ताक अली स्पर्धेत दोन्ही खेळाडू आमने सामने आले होते.यावेळी बिहारकडून खेळणाऱ्या वैभव सूर्यवंशीने 25 बॉलमध्ये 46 धावांची वादळी खेळी केली होती. या खेळीत त्याने 4 षटकार आणि 4 चौकार मारले होते. या दरम्यान त्याचा स्ट्राईक रेटने 184 होता.

विशेष वैभव सूर्यवंशीने 46 धावांपैकी 15 धावा या अर्जुन तेंडुलकर विरोधात काढल्या होत्या. विशेष म्हणजे या धावा त्याने फक्त 5 बॉलमध्ये काढल्या होत्या.यामध्ये त्याने एक चौकार आणि षटकार मारला होता. त्यामुळे वैभवने 300 च्या स्ट्राईक रेटने त्याला चोपलं होतं.

वैभव सूर्यवंशीसोबत कर्णधार साकीबुल गणीने 60 धावांचील आणि आकाश राजने 40 धावांची खेळी केली होता.या बळावर बिहारने 7 विकेट गमावून 180 धावा केल्या होत्या.

या लक्ष्याचा पाठलाग करताना कश्यप बाखले आणि अर्जुन तेंडुलकर सलामीला उतरणार होता. माऱत्र अर्जून तेंडुलकर अपयशी ठरला आणि अवघ्या 5 धावा करून बाद झाला. अर्जून सोबत अभिनव तेजराणा शुन्यावर बाद झाला.

लागोपाठ विकेट पडल्यानंतर कश्यप बाखले आणि सुयांश प्रभूदेसाईने गोव्याचा डाव सावरला आणि संघाला विजयानजीक पोहोचवलं होतं. कश्यपने 64 तर सुयशने 79 धावांची खेळी केली होती.

यानंतर विकास सिंह आणि दर्शन मिसलने औपचारीक धावा काढून हा सामना 5 विकेटने जिंकला.अशाप्रकारे वैभव सुर्यवंशी वादळी खेळी करून देखील त्याचा संघ हारला.