बॉडी पाहताच खूश झाली एअर हॉस्टेस! पुरुष प्रवाशाला दिली अशी ऑफर; ऐकून तोही स्तब्ध, सुचेना काय करावं

एरवी विमान प्रवास म्हटलं की एअर हॉस्टेसचं आकर्षण असतं. म्हणजे बहुतेकांच्या नजरा एअर हॉस्टेसवर असतात. पण एक असं प्रकरण ज्यात एअर हॉस्टेची नजर विमानातील एका प्रवाशावर होती. 6 फूट 6 इंच उंची, 250 पाऊंड वजन... त्याची बॉडी पाहून एअर हॉस्टेस त्याच्यावर फिदा झाल्या. एका एअर हॉस्टेसने तर त्याला अशी ऑफर दिली की तोही स्तब्ध झाला.

ज्या प्रवाशाला एअर हॉस्टेसने ऑफर दिली त्याच प्रवाशाने विमानातील हा विचित्र अनुभव सोशल मीडियावर शेअर केला आहे. प्रवाशाच्या रेडिट पोस्टनुसार, तो जेट ब्रीजवर रांगेत उभा होता तेव्हा दोन एअर होस्टेस प्रतीक्षा करत असलेल्या प्रवाशांकडे पाहत होत्या. त्यांची नजरानजर झाली, त्या एकमेकींशी शांतपणे बोलल्या आणि नंतर विमानात गेल्या.

जेव्हा तो विमानात चढला तेव्हा एका एअर हॉस्टेसने त्याचं हसून स्वागत केले. ती जवळ आली आणि म्हणाली, "आम्ही तुमच्यासाठी आपत्कालीन रांगेत एक व्हीआयपी सीट राखून ठेवली आहे."

एअर हॉस्टेसने मग हसून म्हटलं, "या फ्लाइटसाठी तू माझी एबीए होशील." हे ऐकून प्रवाशाला आश्चर्य वाटलं. त्याने विचारलं याचा अर्थ काय. त्यानंतर त्याला सांगण्यात आलं की एबीए म्हणजे एबल-बॉडी असिस्टंट, म्हणजे कठीण परिस्थितीत मदत करू शकणारी व्यक्ती.

खरंतर तर त्या व्हीआयपी सीटच्या दोन रांगा पुढच्या सीटवर एक कपल बसलं होतं, जे नशेत होतं. त्यांनी मागच्या फ्लाइटमध्ये इतका गोंधळ घातला होता की या विमानातील क्रू अलर्ट राहिलं होतं. पण त्यांची परिस्थिती अशी होती की त्यांना विमानातून बाहेर काढणं शक्य नव्हतं. म्हणून क्रूने गुपचूप एका मजबूत दिसणाऱ्या प्रवाशाला व्हीआयपी सीट दिली आणि त्याला सुरक्षा ब्लँकेट म्हणून तयार केलं. म्हणजे जर फ्लाइटमध्ये काही झालं तर ती परिस्थिती हाताळणारी ती पहिली व्यक्ती असेल.

सुदैवाने विमान प्रवास सुरळीत पार पडला आणि दारू प्यायल्याने जोडप्याने कोणताही त्रास दिला नाही. नंतर प्रवाशाने रेडिटवर हा अनुभव शेअर केला.

त्याने लिहिलं की त्याला ते छान वाटलं. पण आता त्याला कळलं आहे की प्रत्येक फ्री अपग्रेड फक्त नशीब किंवा प्रेम नसतं. कधीकधी त्यामागे एक धोरणात्मक योजना असते. म्हणून पुढच्या वेळी जेव्हा एखादी विमान कंपनी तुम्हाला व्हीआयपी सीट देईल तेव्हा त्यात काही सीक्रेट मिशन आहे का ते विचारायला विसरू नका. (सर्व फोटो : प्रतीकात्मक AI Generated Image)