Do You Know : असा प्राणी जो दूधही देतो आणि अंडी ही, फक्त 1 टक्के लोकांनाच माहित असेल नाव

आपलं निसर्ग आणि त्यामध्ये रहाणारे प्राणी पक्षी हे खूपच सुंदर आहे, शिवाय ते अद्भूत देखील आहे. आपल्या निसर्गाशी संबंधीत अशा काही गोष्टी लपल्या आहेत की त्याबद्दल आपल्याला कळणार सुद्धा नाही. अशाच एका गोष्टीबद्दल आज आम्ही तुम्हाला सांगणार आहोत.

आता आपल्याला तर हे माहित आहे की जे प्राणी अंडी देतात ते दूध देत नाहीत आणि जे प्राणी बाळांना जन्म देतात ते दूध देतात. पण निसर्गात काही गोष्टी चमत्कारीक असतात, त्या प्रमाणे एक असा प्राणी ही आहे जो अंडी ही देतो आणि दूध ही. सांगा त्याचं नाव?

हा प्रश्न अनेकांना कठीण वाटतो कारण असा प्राणी खूप दुर्मिळ आहे. आपल्या दैनंदिन जीवनात तो सहज दिसत नाही, म्हणूनच बहुतेक लोकांना त्याच्या वैशिष्ट्यांविषयी माहिती नसते.

हा अद्भुत प्राणी म्हणजे प्लॅटिपस. आकाराने लहान आणि दिसायला विचित्र असलेला हा प्राणी फक्त ऑस्ट्रेलिया आणि तस्मानियाच्या पूर्व भागात आढळतो. तो मोनोट्रेम्स या वर्गात मोडतो, जो स्तनधार्‍यांमध्ये अत्यंत दुर्मिळ आहे.

प्लॅटिपसचे शरीर अतिशय वेगळ्या रचनेचे असते. त्याचं तोंड बत्तखीसारखं आणि चपट्या चोचीसारखा दिसतो. पाय जाळीसारखे आहेत आणि संपूर्ण शरीरावर केस असतात. या वैशिष्ट्यांमुळे तो इतर स्तनधार्‍यांपेक्षा पूर्णपणे वेगळा भासतो. सर्वात महत्त्वाची गोष्ट म्हणजे हा प्राणी अंडी घालतो, पण तरीही आपल्या पिल्लांना दूध पाजतो.

प्लॅटिपस साधारण एक ते तीन अंडी घालतो. ही अंडी लहान आणि मऊसर असतात. तो नदीकिनारी खोदलेल्या बिळांत ही अंडी ठेवतो. साधारण दहा दिवसांनी पिल्ले अंड्यांतून बाहेर येतात. पिल्लांना दूध पाजण्यासाठी प्लॅटिपसच्या शरीरात विशेष ग्रंथी असतात. मात्र, इतर प्राण्यांप्रमाणे त्याला स्तन नसतात. दूध त्वचेतील सूक्ष्म छिद्रांमधून बाहेर येते आणि पिल्ले ते थेट चाटतात.

प्लॅटिपस प्रामुख्याने शांत पाणवठ्यांच्या आसपास म्हणजे नद्या, ओढे आणि तलावांमध्ये राहतो. तो उत्तम पोहणारा असतो आणि आपला जास्तीत जास्त वेळ पाण्यात घालवतो. त्याचे अन्न मुख्यतः लहान मासे, पाण्यातील कीटक आणि किडे असते. त्याचे नाक अतिशय संवेदनशील असल्यामुळे तो पाण्यातील अन्न पटकन शोधतो. दिवसा तो बहुतेक वेळा पाण्यात किंवा बिळात विश्रांती घेतो. हा प्राणी माणसांपासून दूर राहणारा आणि लाजाळू स्वभावाचा आहे.