Jeans मधला ‘तो’ छोटूसा पॉकेट कशासाठी? 90% लोकांना याबद्दल चुकीची माहिती

जीन्स (Jeans) हा आजच्या फॅशनचा आणि दैनंदिन जीवनाचा अविभाज्य भाग आहे. मग ते पुरुष असोत किंवा महिला, लहान मुलं असोत किंवा कोणी वृद्ध, सगळेच हल्ली जीन्स वापरु लागले आहेत. लोक आपल्या आवडीप्रमाणे कधी पेन्सिल, कधी लूज, कधी मॉम फिट तर कधी फ्लेअर जीन्स वापरतात. जीन्समध्ये पॉकेट जिन्स देखील असते. आपण तिच्यावर असलेल्या वेगवेगळ्या पॉकेट्सला नक्कीच पाहिलं असेल.

पण जीन्सच्या उजव्या बाजूच्या मोठ्या पॉकेटमध्ये असलेले, अत्यंत लहान पॉकेट (Small Pocket) आपण अनेकदा दुर्लक्ष करतो. सोशल मीडियावर बऱ्याच काळापासून हा प्रश्न फिरत आहे की या लहान पॉकेटचा खरा उपयोग काय आहे? अनेकांना वाटते की ते नाणी ठेवण्यासाठी आहे, तर काही लोक त्याला केवळ 'डिझाइन' मानतात. पण या पॉकेटचा इतिहास थेट 19 व्या शतकाशी जोडलेला आहे आणि तो जीन्सच्या जन्मकथेचा एक महत्त्वाचा भाग आहे.

आता तुमच्या मनात नक्कीच उत्सुकता वाढली असेल की असं का आहे त्यात? चला सविस्तर जाणून घेऊ.जीन्सचा शोध लागला तो 19 व्या शतकात, जेव्हा लेव्ही स्ट्रॉस (Levi Strauss) यांनी कामगार वर्गासाठी टिकाऊ आणि मजबूत कपड्यांचे डिझाइन केले. या काळात, आजच्यासारखी मनगटी घड्याळे (Wrist Watches) फारशी प्रचलित नव्हती. त्याऐवजी, पुरुष कामगार आणि व्यापारी चेन असलेली छोटी पॉकेट वॉच (Pocket Watch) वापरत असत.

याच गरजेतून, लेव्ही स्ट्रॉस अँड कंपनीने (Levi Strauss & Co.) 1973 मध्ये जीन्सचे पहिले मॉडेल डिझाइन करताना, यात पॉकेट वॉच सुरक्षित ठेवण्यासाठी खास व्यवस्था केली. मोठ्या पॉकेटमध्ये ठेवल्यास ती तुटण्याची किंवा पडण्याची शक्यता होती. त्यामुळे त्यात लहान पॉकेट वॉच लोक ठेवू लागले.

काम करताना पॉकेट वॉच सुरक्षित राहावी आणि सहज उपलब्ध व्हावी यासाठी जीन्सवर ही छोटी पॉकेट जोडली गेली. ती मूळात 'कॉइन पॉकेट' नसून 'वॉच पॉकेट' (Watch Pocket) होती.

या पॉकेटला त्यावेळी 'वॉच पॉकेट' किंवा 'कंडोमिनियम' असेही म्हटले जाई. खाण कामगार, गुराखी (Cowboys) आणि रेल्वे कर्मचारी अशा कामगारांना आपले मौल्यवान घड्याळ धूळ, माती आणि शारीरिक श्रमादरम्यान सुरक्षित ठेवण्यासाठी ही पॉकेट अत्यंत उपयुक्त ठरली.

आजच्या जीन्सच्या जाहिरातींमध्ये या पॉकेटला अजूनही 'वॉच पॉकेट' म्हणून ओळखले जाते, परंतु त्याचे कार्य आता पूर्णपणे बदलले आहे

मनगटी घड्याळे आणि नंतर मोबाईल फोन आल्यामुळे, पॉकेट वॉच कालबाह्य झाली. त्यामुळे, या लहान पॉकेटचा मूळ उद्देश आज संपला आहे. तरीही, ही पॉकेट जीन्सवर कायम ठेवण्यात आली आहे. आजकाल लोक या लहान पॉकेटचा उपयोग खालील गोष्टींसाठी करतात:

नाणी (Coins) किंवा चिल्लर ठेवण्यासाठी, लाईटर (Lighter) किंवा गम (Gum) ठेवण्यासाठी, पेन ड्राईव्ह (Pen Drive) किंवा मेमरी कार्ड सारख्या लहान वस्तू ठेवण्यासाठी, जीन्सच्या ब्रँडसाठी ही पॉकेट आता जीन्सची शैली (Style) आणि परंपरा टिकवून ठेवणारे एक चिन्ह बनले आहे.

जीन्सवरील ही छोटी पॉकेट केवळ एक डिझाइन नसून, ती आधुनिक फॅशन आणि अमेरिकेच्या औद्योगिक इतिहासाचा एक महत्त्वाचा वारसा आहे. पुढच्या वेळी जेव्हा तुम्ही जीन्स वापराल, तेव्हा या पॉकेटचा वापर तुमच्या बरोबर लक्षात येईल.