कोण म्हणतं फक्त फॉरेनमध्ये फक्त इंग्रजीच चालतं! 2 भारतीय भाषा ज्या जगात सर्वाधिक बोलल्या जातात

भाषा ही प्रत्येक देशाच्या संस्कृतीचं प्रतिबिंब आहे. जगभरातील लाखो लोक वेगवेगळ्या भाषा बोलतात. त्यापैकी काही जगभरात मोठ्या प्रमाणात वापरल्या जातात. त्यापैकी इंग्रजी ही सगळ्यात जास्त बोलली जाणारी भाषा आहे. याबात सगळ्यांना माहिती आहे. पण अशा दोन भारतीय भाषाही आहेत ज्या जगात सगळ्यात जास्त बोलल्या जातात.

इंग्रजी ही जगातील सर्वात जास्त बोलली जाणारी भाषा आहे. असा अंदाज आहे की सुमारे 1 अब्ज लोक इंग्रजी बोलतात. पण त्यापैकी फक्त 390 दशलक्ष लोक ती त्यांची मातृभाषा म्हणून वापरतात. उर्वरित लोक शिक्षण, काम आणि व्यवसाय यासारख्या कारणांसाठी ती दुसरी भाषा म्हणून शिकतात. म्हणूनच इंग्रजीला जागतिक संवादाची भाषा देखील म्हटले जाते.

इंग्रजीनंतर मँडरीन चिनी ही सर्वात जास्त बोलली जाणारी भाषा आहे. ही चीनची मुख्य भाषा आहे. तैवान, सिंगापूर आणि चीनच्या सीमावर्ती देशांमध्येही ती मोठ्या प्रमाणात बोलली जाते.  असं म्हटलं जातं की सुमारे 1.1 अब्ज लोक ही भाषा बोलतात. 

त्यानंतर स्पॅनिशचा क्रमांक लागतो. सुमारे 56 कोटी लोक स्पॅनिश बोलतात. स्पेन, मेक्सिको, अर्जेंटिना, कोलंबिया, पेरू आणि चिली यासारख्या लॅटिन अमेरिकन देशांमध्ये ही मुख्य भाषा आहे. इंग्रजीनंतर इंटरनेटवर ही सर्वात जास्त वापरली जाणारी भाषा आहे.

हिंदी ही जगभरात बोलल्या जाणाऱ्या प्रमुख भाषांपैकी एक आहे. 600 दशलक्षाहून अधिक लोक ही भाषा बोलतात. हिंदीसोबत भारतात 21 इतर अधिकृत भाषा असल्या तरी हिंदी ही सर्वात जास्त बोलली जाते. भारतीय परदेशात गेल्यामुळे हिंदीला जगभरात मान्यता मिळाली आहे.

अरबी भाषा सुमारे 40 कोटी लोक बोलतात. मध्य पूर्व, सौदी अरेबिया, इजिप्त, कुवेत, येमेन आणि मोरोक्को सारख्या देशांमध्ये ती बोलली जाते. पण प्रादेशिक बोलीभाषेच्या अस्तित्वामुळे अरबीच्या वेगवेगळ्या शैली आढळतात.

बंगाली किंवा बांगला भाषा सुमारे 28 कोटी लोक बोलतात. ही बांगलादेशची अधिकृत भाषा आहे आणि ती प्रामुख्याने भारतातील पश्चिम बंगाल राज्यात देखील बोलली जाते.

पोर्तुगीज भाषा सुमारे 26 कोटी लोक बोलतात. पोर्तुगीज, ब्राझील, मोझांबिक आणि अंगोला सारख्या देशांमध्ये ती लोकप्रिय आहे.

रशियन भाषा सुमारे 25 कोटी लोक बोलतात. ती केवळ रशियामध्येच नाही तर अनेक युरोपीय आणि मध्य आशियाई देशांमध्येही लोकप्रिय आहे.

शेवटी, उर्दू. उर्दू भाषा सुमारे 23 कोटी लोक बोलतात. ही पाकिस्तानची अधिकृत भाषा आहे आणि भारतातील काही राज्यांमध्येही मोठ्या प्रमाणात बोलली जाते.