हे मां माताजी! Tupperware दिवाळखोरीत; सोशल मीडियावर Indian moms चे Memes

Tupperware या कंपनीचा डबा किंवा बाटली तुम्ही वापरत असाल. मात्र ही कंपनी आता दिवाळखोरीमध्ये निघाली आहे. यानंतर सोशल मीडियावर प्रतिक्रिया उमटत आहेत.

ऑफिसला जाणार्‍या बहुतेक लोकांकडे Tupperware कंपनीचे डबे दिसतील. विशेषतः आपल्या मुलांना चांगल्या प्लॅस्टिक डब्यात जेवण द्यावं म्हणून भारतातील जवळपास सगळ्याच आईंची पसंती  टप्परवेअरला आधी.

Tupperware Brands Corp या कंपनीची स्थापना 1946 मध्ये अमेरिकेमध्ये झाली. अर्ल टपर यांनी या कंपनीची स्थापना केली. टपरवेअरच्या नाविन्यपूर्ण प्लास्टिक उत्पादनांमुळे ही कंपनी सुरवातीपासूनच अमेरिकेमध्ये लोकप्रिय ठरली.

अमेरिकेत या कंपनीने मिळवलेल्या यशानंतर जगभरात कंपनीचे उत्पादन विक्री होऊ लागले. भारतामध्ये या कंपनीने 1996 साली पदार्पण केलं. हा अमेरिकन ब्रॅन्ड भारतामध्ये सामान्य घरांमध्येही लोकप्रिय झाला होता.

कोरोनाच्या काळात टप्परवेअरच्या मागणीत थोडी वाढ झाली होती. पण कोरोनानंतर अनेकांनी घरातल्या जेवणाला पसंती देत घरीच बनवायला सुरुवात केली. तेव्हापासून टपरवेअरच्या मागणीत घट होत असल्याचं कंपनीच्या निदर्शनास आलं.

ही अमेरिकन किचनवेअर कंपनी घटत्या विक्रीमुळे आणि वाढत्या स्पर्धेमुळे बाजारातून मागे पडली आहे. गेल्या वर्षी कंपनीनं दिवाळखोरीचा इशाराही दिला होता. आता दिवाळखोरी जाहीर केली आहे

ही बातमी बिझनेसशी संबंधित पण भारतातील आईंसाठी कोणत्या राष्ट्रीय आपत्तीपेक्षा कमी नाही. त्यामुळे तसे मीम्स सोशल मीडियावर व्हायरल होत आहेत.