शनिवारी 22 नोव्हेंबर रोजी सुट्टी असल्याने तो कोयना एक्स्प्रेसने मुंबईहून पुण्याकडे येत होता. सकाळी साडेअकरा वाजण्याच्या सुमारास, बदलापूर स्थानकापासून काही अंतरावर सिद्धांत अज्ञात कारणाने धावत्या रेल्वेतून खाली रेल्वे रुळावर पडला. यावेळी डोक्याला मार लागल्याने त्याचा जागीच मृत्यू झाल्याचं नातेवाइकांनी सांगितलं.
चोर आल्याचं समजलं; मध्यरात्रीच तरुणांकडून 2 तास पाठलाग, थरारक घटनेत शेवटी काय घडलं?
advertisement
रेल्वे पोलिसांनी सिद्धांतच्या वडिलांशी संपर्क साधल्यानंतर या घटनेचा उलगडा झाला. सिद्धांत हा सोरटेवाडी विद्यालयाचे क्रीडाशिक्षक आणि सामाजिक कार्यकर्ते डी. वाय. जगताप यांचा मुलगा होता. नम्र स्वभाव आणि सामाजिक कार्यात सक्रिय असल्याने त्याचा गावात मोठा जनसंपर्क होता. पदवीचं शिक्षण पूर्ण केल्यानंतर त्याला दोन वर्षापूर्वी बँकेत नोकरी मिळाली होती. सिद्धांतला वडिलांनी या शनिवार-रविवारी गावाकडे न येता पुढील आठवड्यात येण्याचा आग्रह केला होता. मात्र, घरच्यांना भेटायचं असल्यानं तो सुट्टी घेऊन पुण्याकडे येत होता.
सिद्धांतच्या अपघाती निधनानं जगताप कुटुंबावर दु:खाचा डोंगर कोसळला असून, सोरटेवाडी आणि वाणेवाडी परिसरात हळहळ व्यक्त होत आहे. तो कोणत्या कारणाने रेल्वे रुळावर पडला, याबाबत अद्याप अधिकृत तपशील समोर आलेला नाही. मात्र, या घटनेत तरुण मुलाला गमावल्यामुळे कुटुंबीयांवर मोठा आघात झाला आहे.