Maharashtra politics : बारामतीत आणखी एका पवारांची होणार एंट्री, अजितदादा घेणार का एक्झिट?

बारामती विधानसभा निवडणुकीसंदर्भात अजित पवार यांनी मोठं वक्तव्य केलं आहे, त्यामुळे पुन्हा एकदा चर्चेला उधाण आलं आहे.

पुणे, चंद्रकांत फुंदे प्रतिनिधी : लोकसभा निवडणुकीमध्ये राज्यात महायुतीला मोठा फटका बसला, तर दुसरीकडे महाविकास आघाडीनं जोरदार मुसंडी मारली. महायुतीमधील अनेक दिग्गज नेत्यांचा पराभव झाला. यामध्ये सर्वात जास्त गाजली ती म्हणजे बारामती लोकसभा मतदारसंघातील निवडणूक या निवडणुकीमध्ये सुप्रिया सुळे यांच्या विरोधात राष्ट्रवादी अजित पवार गटाकडून सुनेत्रा पवार यांना तिकीट देण्यात आलं होतं. मात्र या निवडणुकीत त्यांचा पराभव झाला. आता विधानसभा निवडणुकीच्या तयारीला सुरुवात झाली आहे. बारामती विधानसभा मतदारसंघातून मोठी बातमी समोर येत आहे.

विधानसभा निवडणुकीसाठी राष्ट्रवादी शरद पवार गटाकडून युगेंद्र पवार यांना उमेदवारी दिल्या जाऊ शकते अशी चर्चा आहे. तर दुसरीकडे राष्ट्रवादी अजित पवार गटाकडून आता पार्थ पवार यांचं नाव चर्चेत आहे, यावर प्रतिक्रिया देताना अजित पवार यांनी मोठं वक्तव्य केलं आहे. त्यामुळे पुन्हा एकदा चर्चेला उधाण आलं आहे.

नेमकं काय म्हणाले अजित पवार?

टॉप व्हिडीओज

सर्व पहा

Krushi Market: मक्याचे दर भुईसपाट! कांदा, सोयाबिनला रविवारी किती मिळाला भाव?

सर्व पहा

जय पवार यांना उमेदवारी द्यायची की नाही, यावर जनतेची आणि त्या भागातील कार्यकर्त्यांची जी मागणी असेल ते करायला तयार आहे. मी सात ते आठ वेळा लढलो आहे, त्यामुळे मला त्यात इंटरेस्ट नाही, शेवटी पार्लमेंटरी बोर्ड ठरवेल की कोणाला उमेदवारी द्यायला पाहिजे, असं अजित पवार यांनी म्हटलं आहे. त्यामुळे आता जय पवार यांना बारामती विधानसभा मतदारसंघातून उमेदवारी मिळू शकते अशी चर्चा सुरू झाली आहे.