TRENDING:
डॉ. राजेश कणसे यांनी सांगितले की, 15 नोव्हेंबरला पहाटे साडेचारच्या सुमारास स्कूटीने प्रवासाला सुरुवात केली. सर्वप्रथम सिंहगडाची चढाई करून ते सकाळी आठच्या आधी खाली आले. त्यानंतर पाबेघाट मार्गे तोरणा किल्ल्यावर पोहोचून दुपारी अडीचपर्यंत किल्ल्याची पाहणी केली. पुढे पालीमार्गे राजगड गाठून किल्ल्यावरील महत्त्वाच्या ठिकाणांचे दर्शन घेऊन ते संध्याकाळी सहाच्या सुमारास खाली उतरले.
advertisement
पहिल्या दिवशी त्यांनी 220 किमी बाईक रायडिंग आणि 26 किमीचा ट्रेक केला. दुसऱ्या दिवशी पहाटे त्यांनी कोरीगडचा ट्रेक केला. त्यानंतर घनगड, तुंग, तिकोणा, लोहगड आणि विसापूर हे किल्ले पूर्ण केले. या दिवशी त्यांनी 176 किमी बाईक रायडिंग आणि 22 किमी ट्रेक करत दोन दिवसांत नऊ किल्ल्यांची मोहीम यशस्वी केली.
छत्रपती शिवाजी महाराजांविषयीची भक्ती, गडकिल्ल्यांबद्दलची ओढ आणि त्यांची प्रेरणा यामुळे त्यांनी आतापर्यंत राज्यातील तब्बल 80 किल्ले सर केले आहेत. त्यांची ही मोहीम अनेकांसाठी प्रेरणादायी ठरत आहे.