दीड वर्षाचा 'स्मृतिराज'! नील भालेरावचा 2 मिनिटांत 45 कार ब्रँड्स ओळखत नवा विक्रम, Video पाहून अवाक व्हाल

पुणे : पुणे शहरासाठी अभिमानास्पद असलेली एक मोठी बातमी समोर आली आहे. ज्या वयात अनेक लहान मुलं साधं हाताने जेवण करायलाही शिकत नाही, त्या वयात एक चिमुकल्याने एक विक्रम आपल्या नावी केला आहे. अवघ्या दीड वर्षांच्या नील निखिल भालेराव या चिमुकल्याने आपल्या अभूतपूर्व स्मरणशक्तीच्या जोरावर एक अनोखा विक्रम आपल्या नावी केला आहे. त्याने २ मिनिटे ५३ सेकंदांत जगातील सुमारे ४५ हून अधिक कार ब्रँड्सची अचूक ओळख करून देत 'इंडिया बुक ऑफ रेकॉर्ड्स'मध्ये मानाचे स्थान मिळवले आहे. एवढ्या लहान वयात मिळवलेल्या या विक्रमामुळे नीलचे सर्वत्र कौतुक होत आहे.