TRENDING:

Pune Crime: पुणे हादरलं! कोयता गँगचा धुमाकूळ थांबेना; भरगर्दीच्या ठिकाणी दरोडा अन् कोयत्यानं हल्ला

Last Updated:

दोन दुचाकींवर आलेल्या पाच हल्लेखोरांनी थेट दुकानात घुसून तोडफोड सुरू केली. दुकान मालक संदेश नांगरे यांच्यावर त्यांनी हल्ल्याचा प्रयत्न केला

impactshort
इम्पॅक्ट शॉटतुमचा गेटवे लेटेस्ट न्यूज
advertisement
पुणे : शहरात कोयता गँगचा धुमाकूळ थांबायला तयार नसतानाच, आता आणखी एक घटना घडली आहे. कोंढवे धावडे परिसरात एक मोठी आणि निर्भयपणे करण्यात आलेली गुन्हेगारी घटना समोर आली आहे. यात दरोडा टाकण्याच्या उद्देशाने आलेल्या पाच तरुणांनी मौर्य ज्वेलर्स या सराफ दुकानावर अचानक हल्ला करत तोडफोड केली. शुक्रवारी रात्री आठ वाजताच्या सुमारास ही घटना घडली. यावेळी दुकानाचे मालक संदेश नांगरे यांच्यावर हल्लेखोरांनी कोयत्याने वार केले.
पुणे क्राईम (प्रतिकात्मक फोटो)
पुणे क्राईम (प्रतिकात्मक फोटो)
advertisement

दोन दुचाकींवर आलेल्या पाच हल्लेखोरांनी थेट दुकानात घुसून तोडफोड सुरू केली. दुकान मालक संदेश नांगरे यांच्यावर त्यांनी हल्ल्याचा प्रयत्न केला आणि याच प्रयत्नात त्यांच्यावर कोयत्याने वार करण्यात आला. मात्र, नांगरे यांनी प्रसंगावधान राखत प्रतिकार केल्यामुळे त्यांची मोठी आर्थिक आणि जीवितहानी टळली. या प्रतिकारामुळे हल्लेखोरांचा दरोड्याचा डाव यशस्वी होऊ शकला नाही आणि नांगरे किरकोळ जखमी झाले आहेत.

advertisement

Chakan Fire: पुण्याच्या चाकणमध्ये पेट्रोल पंपावर आगीचं रौद्ररूप; 40 नव्याकोऱ्या ई-स्कूटर क्षणात जळून खाक, नेमकं काय घडलं?

टॉप व्हिडीओज

सर्व पहा
Krushi Market: मक्याचे दर भुईसपाट! कांदा, सोयाबिनला रविवारी किती मिळाला भाव?
सर्व पहा

संध्याकाळी आठ वाजता, म्हणजे भर गर्दीच्या वेळी आणि व्यावसायिक ठिकाणी अशी निर्भयपणे घटना घडल्याने संपूर्ण परिसरातील व्यापारी वर्गात भीती आणि चिंतेचं वातावरण निर्माण झालं आहे. कोंढवे धावडे परिसरात अशी घटना प्रथमच घडल्याने नागरिकांमध्ये मोठी खळबळ उडाली आहे. गुन्हेगारांमध्ये पोलिसांची भीती उरलेली नाही, अशी चर्चा नागरिकांमध्ये सुरू आहे. पोलिसांनी तात्काळ घटनेची गंभीर दखल घेतली आहे. सहायक पोलीस निरीक्षक प्रियांका गायकवाड या प्रकरणाचा पुढील तपास करत असून, हल्लेखोरांना पकडण्यासाठी परिसरातील सीसीटीव्ही फुटेज तपासले जात आहेत.

advertisement

मराठी बातम्या/पुणे/
Pune Crime: पुणे हादरलं! कोयता गँगचा धुमाकूळ थांबेना; भरगर्दीच्या ठिकाणी दरोडा अन् कोयत्यानं हल्ला
बातम्या
फोटो
व्हिडिओ
लोकल