पोलिसांनी दिलेल्या माहितीनुसार, या वर्षी फटाक्यांवर काही मर्यादा लागू करण्यात आल्या आहेत. ध्वनी प्रदूषण करणारे, जास्त आवाजाचे फटाके यांच्यावर सक्त बंदी असेल. तसेच शहरातील काही शांतता क्षेत्रांमध्ये फटाके फोडणे पूर्णपणे बंद असेल. नियमांचे उल्लंघन केल्यास कडक कारवाई केली जाणार असल्याचेही पोलिसांनी स्पष्ट केले आहे.
नेमके नियम काय आहेत?
ध्वनी मर्यादा:
advertisement
फटाक्यांचा आवाज 124 डेसिबलपेक्षा अधिक नसावा. ही मर्यादा ओलांडणारे फटाके बेकायदेशीर मानले जातील आणि त्यांचे उत्पादन, विक्री किंवा वापर करणाऱ्यांवर कायदेशीर कारवाई होईल.
साखळी फटाक्यांवर बंदी:
100 पेक्षा जास्त साखळी फटाके (लडी) असलेले फटाके पूर्णपणे बंदीस्त आहेत. अशा प्रकारचे फटाके ध्वनी प्रदूषणाचे मुख्य कारण ठरतात, त्यामुळे त्यांच्या उत्पादन, विक्री आणि वापरावर संपूर्ण बंदी घालण्यात आली आहे.
शांतता क्षेत्रातील नियम:
शाळा, रुग्णालय, न्यायालय, धार्मिक स्थळे किंवा सरकारी कार्यालयांच्या परिसरापासून 100 मीटर अंतरात कोणत्याही प्रकारचे फटाके फोडणे सक्त मनाई आहे. या ठिकाणी फटाके फोडल्यास केवळ दंडच नव्हे, तर गुन्हा दाखल होऊ शकतो.
सार्वजनिक ठिकाणांवरील निर्बंध:
रस्ते, पूल, घाट, सेतू किंवा सार्वजनिक मार्गांवर फटाके फोडणे बंद असेल. वाहतुकीला अडथळा होईल अशा ठिकाणी किंवा गर्दीच्या भागात फटाके फोडल्यास पोलिस तत्काळ कारवाई करतील. 10 मीटर परिसरात फटाके फोडणे सुद्धा प्रतिबंधित आहे.
पुणेकरांसाठी आवाहन
पोलिसांनी नागरिकांना आवाहन केले आहे की दिवाळीचा आनंद घेताना पर्यावरणाची काळजी घ्यावी. मुलांना फटाके फोडताना मोठ्यांनी सोबत राहावे तसेच ध्वनी मर्यादा आणि वेळेचे पालन करावे. रात्री उशिरा फटाके फोडल्यास ध्वनी प्रदूषणासोबत वृद्ध आणि रुग्णांना त्रास होतो. पुणे पोलिसांचे म्हणणे आहे की, ''दिवाळी आनंदाची असली तरी ती सुरक्षित आणि शांततेने साजरी होणे अधिक महत्त्वाचे आहे. नियमांचे उल्लंघन करणाऱ्यांवर पर्यावरण कायद्याअंतर्गत कठोर कारवाई करण्यात येईल.''