TRENDING:
या प्रकरणी मोनिल मोदी, रवी जाट, रुद्रपाल सिंग आणि हंश वर्मा या चार तरुणांना अटक करण्यात आली आहे. हे आरोपी गुजरात, मध्य प्रदेश आणि मुंबईतील रहिवासी आहेत. धक्कादायक बाब म्हणजे, या आरोपींवर परदेशातून वेब कॅमेऱ्याद्वारे थेट नियंत्रण ठेवले जात होते. या टोळीने विविध बँकांमध्ये करंट अकाउंट उघडून फसवणुकीचे पैसे वळवले होते. तपासात एकाच बँक खात्यातून १ कोटींपेक्षा जास्त रकमेची उलाढाल झाल्याचे उघड झाले आहे.
advertisement
पोलीस उपायुक्त डॉ. शिवाजी पवार यांच्या मार्गदर्शनाखाली केलेल्या या कारवाईत आरोपींकडून लॅपटॉप, ७ मोबाईल, १४ डेबिट कार्ड्स, वेब कॅमेरे आणि बँक किट्स असा मोठा मुद्देमाल जप्त करण्यात आला आहे. अटक केलेल्या संशयितांनी देशातील विविध बँकांमध्ये खाती उघडून त्यांचा गैरवापर केल्याची कबुली दिली आहे. लोणावळ्यातील शांत आणि आलिशान वातावरणाचा फायदा घेत हे गुन्हेगार आपले रॅकेट चालवत होते. सायबर पोलिसांनी अत्यंत चातुर्याने या टोळीच्या मुसक्या आवळल्या असून अधिक तपास सुरू आहे.