TRENDING:
रुपाली ठोंबरे पाटील यांनी अलीकडेच राज्याचे उपमुख्यमंत्री एकनाथ शिंदे यांचे चिरंजीव आणि खासदार श्रीकांत शिंदे यांची मुंबईत भेट घेतली. याभेटी दरम्यान शिवसेनेच्या शर्मिला येवले आणि काँग्रेसच्या संगीता तिवारीही उपस्थित होत्या. या भेटीचा फोटो त्यांनी आपल्या फेसबुक पेजवर पोस्ट केला आहे. रुपाली ठोंबरे यांनी श्रीकांत शिंदे यांची भेट घेतल्यामुळे राजकीय प्रवेशची चर्चा रंगली आहे.
advertisement
पण, श्रीकांत शिंदे यांची मुंबईमध्ये मी भेट घेतली. यावेळी माझ्यासोबत शिवसेनेच्या शर्मिला येवले आणि काँग्रेसच्या संगीता तिवारीसोबत होत्या. एका कामा निमित्ताने ही भेट होती, यामध्ये पक्ष प्रवेशाची ऑफर वैगेरे असं काहीही घडलं नाही, ही फक्त खाजगी कामासाठी भेट होती, असं स्पष्टीकरण रुपाली ठोंबरे यांनी दिलं.
रुपाली ठोंबरेंचं प्रवक्तेपद काढलं
दरम्यान, राज्य महिला आ.योगाच्या अध्यक्षा रुपाली चाकणकर यांच्यावर थेट टीकास्त्र सोडल्यामुळे चांगलाच वाद पेटला होता. अखेरीस राष्ट्रवादी अजित पवार गटाकडून रुपाली ठोंबरे यांना नोटीस बजावण्यात आली होती. त्यांच्याकडून या प्रकरणावर खुलासा मागवण्यात आला आहे. एवढंच नाहीतर नगरपंचायत आणि नगर परिषद निवडणुकीच्या स्टार प्रचारकांच्या यादीतून रुपाली ठोंबरेंना वगळण्यात आलं होतं. त्यामुळे रुपाली ठोंबरे या पक्षाच्या कृत्यावर कमालीच्या नाराज असल्याची चर्चा रंगली होती. त्यानंतर आता रुपाली ठोंबरे यांनी खासदार श्रीकांत शिंदे यांची भेट घेतल्यामुळे राजकीय चर्चांना उधाण आलं आहे.