पुण्यात हिंजवडी ते शिवाजीनगर मेट्रो लाईन-3 प्रकल्पाला वेग देण्यासाठी महसूलमंत्री चंद्रशेखर बावनकुळे यांच्या नेतृत्वाखाली निर्णय घेण्यात आला असून, येरवडा येथील विविध सिटी सर्व्हे क्रमांकांमधील एकूण 48,600 चौ. मीटर जमीन पीएमआरडीएला हस्तांतरित करण्यात आली आहे. या जमिनीमध्ये सिटी सर्व्हे 2210 मधील 14,880 चौ. मीटर, सिटी सर्व्हे 2216 मधील 15,660 चौ. मीटर आणि सिटी सर्व्हे 2220 मधील 15,954 चौ. मीटर यांचा समावेश आहे. ही जमीन भांबुर्डा येथील 10 हे. 60 आर जागेच्या बदल्यात पर्यायी जागा म्हणून दिली गेली आहे. या निर्णयामुळे मेट्रो प्रकल्पासाठी आवश्यक निधी उभारणीला मदत होणार आहे.
advertisement
Pune News: पुणेकरांचा वेळ वाचणार, एकाच कार्डवर मेट्रो अन् बसचं तिकीट, काय आहे वन पुणे कार्ड?
मेट्रोच्या कामाला गती..
पुण्यात मेट्रो प्रकल्पाला गती देण्यासाठी पीएमआरडीएला हस्तांतरित करण्यात आलेल्या जमिनीवर शासनाने काही अटी घातल्या आहेत. महाराष्ट्र जमीन महसूल अधिनियम, 1966 आणि नियम 1971 नुसार ही जमीन मोफत आणि कायमस्वरूपी कब्जेहक्काने पीएमआरडीएला दिली गेली असून, पीएमआरडीएने ती भोगवटादार वर्ग-2 म्हणून धारण करावी. जमिनीच्या व्यावसायिक विकासातून मिळणारे उत्पन्न प्रकल्पासाठी आवश्यक व्यवहार्यता तफावत निधीसाठी वापरले जाईल.
सिटी सर्व्हे 2220 वरील शिक्षण संकुलाचे आरक्षण लवकर नगर विकास विभागाने बदलावे लागेल. ही जमीन केवळ मेट्रो प्रकल्पासाठी वापरणे बंधनकारक असून, अटींचा भंग झाल्यास शासन जमिनीला परत मिळवू शकते. तसेच, जमीन हस्तांतरणापूर्वी पुणे जिल्हाधिकाऱ्याकडून पीएमआरडीएने लेखी हमीपत्र द्यावे लागेल.