TRENDING:
बोपदेव घाटातील रस्ता सध्या मोठ्या प्रमाणात खराब झाला आहे. याठिकाणी असणाऱ्या अरुंद रस्त्यामुळे वारंवार वाहतूक कोंडीचा सामना नागरिकांना करावा लागत आहे. ही समस्या कायमस्वरूपी सोडवण्यासाठी सार्वजनिक बांधकाम विभागाकडून घाट रस्त्याच्या रुंदीकरणासह दुरुस्तीची कामे हाती घेण्यात आली आहेत.कामकाजाच्या काळात सुरक्षिततेचा प्रश्न निर्माण होऊ नये तसेच यंत्रसामग्रीच्या हालचाली सुरळीत राहाव्यात, यासाठी या कालावधीत एकेरी वाहतूकही सुरू न ठेवण्याचा निर्णय प्रशासनाने घेतला आहे.
advertisement
पर्यायी मार्ग कोणते?
घाट परिसरात होणाऱ्या कामामुळे प्रवाशांना होणारी अडचण कमी करण्यासाठी प्रशासनाकडून पर्यायी मार्गांची माहिती देण्यात आली आहे. यामध्ये सासवड तसेच पुण्याकडे जाणाऱ्या नागरिकांनी हडपसरमार्गे दिवे घाटाचा वापर करावा, तसेच, दक्षिणेकडील भागात प्रवास करणाऱ्या नागरिकांनी नारायणपूरमार्गे चिव्हेवाडी घाटातून प्रवास पूर्ण करावा.या पर्यायी मार्गांमुळे निश्चित ठिकाणी जाण्यासाठी वेळ लागू शकतो. मात्र बोपदेव घाटातील सुरू असलेली कामे सुरळीत आणि वेळेत पूर्ण होण्यासाठी नागरिकांनी प्रशासनाला सहकार्य करण्याचे आवाहन करण्यात आले आहे. 14 जानेवारीनंतर काम पूर्ण झाल्यावर हा मार्ग पुन्हा सर्वसामान्यांसाठी खुला करण्यात येणार आहे.