TRENDING:
नेमकी घटना काय?
सोमवारी (१२ जानेवारी) सायंकाळी साडेपाचच्या सुमारास स्वप्निल वाघमारे यांचे वडील महेंद्र वाघमारे हे आपल्या दुचाकीवरून जात होते. यावेळी संशयित आरोपींनी त्यांच्या गाडीला 'ओव्हरटेक' केल्याच्या कारणावरून त्यांचा पाठलाग केला आणि त्यांना वाटेत अडवले. "तू ओव्हरटेक कसं केलं?" असा जाब विचारत आरोपींनी महेंद्र वाघमारे यांना अश्लील शिवीगाळ करण्यास सुरुवात केली.
advertisement
कढई आणि विटेने जीवघेणा हल्ला: वादाचे रूपांतर हाणामारीत झाले आणि आरोपींनी संतापाच्या भरात तिथेच असलेल्या चिप्स तळण्याच्या लोखंडी कढईने, हातोडीने आणि सिमेंटच्या विटेने महेंद्र वाघमारे यांच्या डोक्यावर आणि अंगावर गंभीर प्रहार केले. या हल्ल्यात ते रक्तबंबाळ होऊन गंभीर जखमी झाले आहेत. त्यांना तातडीने उपचारासाठी रुग्णालयात दाखल करण्यात आले आहे.
याप्रकरणी स्वप्निल वाघमारे यांनी दिलेल्या फिर्यादीवरून दिघी पोलिसांनी दिवाकर सुरेंद्र सिंग, गणेश बांगर, करण मोळक, अमोल गिरी आणि अरशद यांच्यावर खुनाचा प्रयत्न केल्याचा गुन्हा दाखल केला आहे. पोलिसांनी तातडीने चक्रे फिरवत गणेश बांगर आणि करण मोळक या दोघांना अटक केली आहे. इतर आरोपींचा शोध पोलीस घेत असून, भररस्त्यात घडलेल्या या प्रकारामुळे बोपखेल परिसरात दहशतीचे वातावरण पसरले आहे.